کراچی (ایجو کیشن رپورٹر)
ہائر ایجوکیشن کمیشن (ایچ ای سی) پاکستان نے ملک بھر کی جامعات میں مصنوعی ذہانت کے فروغ کے لیے "اے آئی موومنٹ” کا باقاعدہ آغاز کر دیا ہے۔ اس پیشرفت کے تحت "اے آئی فار آل، اے آئی ان آل پروگرامز” کے عنوان سے مصنوعی ذہانت کی تعلیم کو ہر طالب علم، تعلیمی پروگرام اور شعبے تک پہنچایا جائے گا۔
چیئرمین ہائر ایجوکیشن کمیشن ڈاکٹر نیاز احمد کے مطابق اس اہم اور بڑے منصوبے کے لیے کروڑوں روپے کا خصوصی بجٹ مختص کیا گیا ہے، جس سے ملک بھر کی جامعات میں زیرِ تعلیم تقریباً 25 لاکھ طلبہ براہِ راست استفادہ کر سکیں گے۔
منصوبے کی اہم خصوصیات
اعلیٰ معیار کی تحقیق اور تعلیمی ضروریات کے لیے ہائی پاور کمپیوٹرز اور ہائی پرفارمنس کمپیوٹنگ کی سہولیات میسر ہوں گی۔
طلبہ اور محققین کو کلاؤڈ کمپیوٹنگ کی جدید سہولت بھی فراہم کی جائے گی۔
