سندر لاہور میںکالج کی طالبہ کو ہراساں کرنے والا ملزم گرفتار، ورچوئل ویمن پولیس سٹیشن کا فوری ایکشن
لاہور (کرائم رپورٹر) سندر کے علاقے میں کالج جانے والی طالبہ کو ہراساں کرنے والے ملزم کو پولیس نے فوری کارروائی کرتے ہوئے گرفتار کر لیا۔ ملزم طالبہ پر نازیبا آوازیں کستے ہوئے اور غیر اخلاقی حرکات کرتے ہوئے فرار ہونے کی کوشش کر رہا تھا کہ متاثرہ طالبہ کے شور مچانے پر اہل علاقہ جمع ہو گئے۔
شہریوں کی جانب سے ایمرجنسی ہیلپ لائن 15 پر اطلاع ملتے ہی ورچوئل ویمن پولیس سٹیشن نے فوری ایکشن لیا اور متعلقہ پولیس ٹیم کو موقع پر روانہ کیا۔ پولیس نے جائے وقوعہ پر پہنچ کر ملزم کو قابو کر لیا اور اس کے خلاف قانونی کارروائی کا آغاز کرتے ہوئے مقدمہ درج کر لیا ہے۔
پولیس حکام کا کہنا ہے کہ خواتین کو ہراساں کرنے والے عناصر کے خلاف زیرو ٹالرنس کی پالیسی اپنائی گئی ہے۔ ورچوئل ویمن پولیس سٹیشن کے قیام کا مقصد خواتین کو فوری تحفظ فراہم کرنا ہے تاکہ وہ تعلیمی اداروں اور کام کی جگہوں پر خود کو محفوظ محسوس کر سکیں۔