اسلام آباد(ایجوکیشن رپورٹر) وزیرِ اعظم شہباز شریف نے منگل کے روز کیپٹل ڈیولپمنٹ اتھارٹی (سی ڈی اے) کے اس
فیصلے کا نوٹس لے لیا ہے جس کے تحت ایچ ای سی کی دو سرکاری یونیورسٹیوں کے لیے مختص 250 ایکڑ اراضی کو
ایک ہاؤسنگ اسکیم میں شامل کر لیا گیا تھا، اور انہوں نے اس معاملے پر فوری رپورٹ طلب کر لی ہے۔
ذرائع کے مطابق وزیرِ اعظم آفس نے سی ڈی اے کو خط لکھ کر رپورٹ مانگی ہے، جس کے بعد سی ڈی اے کے حکام نے وزیرِ اعظم کو پیش کرنے کے لیے رپورٹ تیار کرنے میں پورا دن صرف کیا۔ ایک ذریعے کا کہنا ہے کہ وزیرِ اعظم نے میڈیا رپورٹ کا نوٹس لیتے ہوئے سی ڈی اے سے فوری رپورٹ طلب کی ہے۔
