بریکنگ نیوز

ملک بھر کی جامعات میں "معرکہِ حق” کی مناسبت سے پروقار تقریبات اور ریلیاں

پنجاب، سندھ، کے پی کے، بلوچستان اور آزاد کشمیر کے تعلیمی اداروں میں پاک فوج سے اظہارِ یکجہتی

یونیورسٹی آف ہوم اکنامکس لاہور، ڈاؤ میڈیکل، جامعہ گجرات، بہاء الدین زکریا یونیورسٹی اور دیگر جامعات میں سیمینارز کا انعقاد، شہداء کو خراجِ عقیدت

لاہور/کراچی/پشاور (نیوز ڈیسک) آپریشن "معرکہِ حق” اور "بنیان المرصوص” کی پہلی سالگرہ کے موقع پر پاکستان بھر کی تمام چھوٹی بڑی سرکاری و نجی جامعات میں اساتذہ اور طلبہ کی جانب سے پاک افواج کے ساتھ والہانہ محبت اور یکجہتی کے اظہار کے لیے سیمینارز، واکس اور ریلیوں کا انعقاد کیا گیا۔

صوبہ پنجاب کی جامعات: پنجاب بھر میں یونیورسٹی آف اوکاڑہ، یونیورسٹی آف ہوم اکنامکس لاہور، جامعہ گجرات اور بہاء الدین زکریا یونیورسٹی ملتان میں خصوصی تقریبات منعقد ہوئیں۔ یونیورسٹی آف اوکاڑہ میں سیمینار سے خطاب کرتے ہوئے مقررین نے کہا کہ پاکستان کی سلامتی اور استحکام مسلح افواج کی قربانیوں کا مرہونِ منت ہے۔ لاہور کی جامعات میں طالبات نے پاک فوج کے حق میں پلے کارڈز اٹھائے ریلیاں نکالیں اور شہداء کی یادگاروں پر فاتحہ خوانی کی۔

سندھ اور کراچی: کراچی میں ڈاؤ یونیورسٹی آف ہیلتھ سائنسز کے اوجھا کیمپس اور ڈاؤ میڈیکل کالج میں وائس چانسلر پروفیسر ڈاکٹر نازلی حسین کی قیادت میں بڑی ریلیاں نکالی گئیں۔ اس موقع پر مقررین نے آپریشن "معرکہِ حق” کو دفاعی تاریخ کا اہم موڑ قرار دیتے ہوئے کہا کہ مسلح افواج نے جدید جنگی حکمتِ عملی کے ذریعے دشمن کے ناپاک عزائم خاک میں ملا دیے ہیں۔

خیبر پختونخوا اور بلوچستان: کے پی کے میں خیبر میڈیکل کالج اور گومل یونیورسٹی سمیت پشاور کی بڑی جامعات میں تقریبات ہوئیں، جہاں طلبہ نے دفاعی تجزیہ کاروں کے ساتھ مل کر ملکی دفاع میں نوجوانوں کے کردار پر بحث کی۔ بلوچستان میں جامعہ بلوچستان اور لسبیلہ یونیورسٹی میں بھی طلبہ نے پاک فوج کے حق میں نعرے لگائے اور ملکی یکجہتی کا اعادہ کیا۔

آزاد کشمیر: آزاد کشمیر کی مختلف جامعات میں بھی "معرکہِ حق” کی مناسبت سے دعائیہ تقاریب منعقد ہوئیں، جن میں ریاست کی معاشی و سماجی ترقی اور افواجِ پاکستان کی کامیابیوں کے لیے خصوصی دعائیں مانگی گئیں۔

مشترکہ اعلامیہ: تمام جامعات میں ہونے والی ان تقریبات کا بنیادی مقصد نئی نسل میں حب الوطنی کا جذبہ پیدا کرنا اور یہ پیغام دینا تھا کہ پوری قوم اپنے اداروں اور سرحدوں کے محافظوں کے ساتھ سیسہ پلائی دیوار کی طرح کھڑی ہے۔ مقررین نے اس بات پر زور دیا کہ جامعات میں ایسے پروگراموں کا انعقاد قومی شعور کی بیداری کے لیے ناگزیر ہے۔

urdutaleem@gmail.com

Recent Posts

بین الاقوامی اسلامی یونیورسٹی میں پاگل کتے کے کاٹنے سے زخمی طالب علم سفیان عباسی جاں بحق

اسلام آباد (ایجو کیشن رپورٹر)وفاقی دارالحکومت کی بین الاقوامی اسلامی یونیورسٹی میں مبینہ طور پر…

7 گھنٹے ago

تاخیر سے کیوں آئےہو،قاری کا12سالہ طالب علم پر ڈنڈوں سے تشدد

لاہور(کرائم رپورٹر) مدرسے میں تاخیر سے پہنچنے پر قاری نے 12 سالہ طالبعلم کو ڈنڈوں…

19 گھنٹے ago

ایچی سن کالج لاہور کے بورڈ آف گورنرز کی تشکیل نو کر دی گی

لاہور(ایجو کیشن رپورٹر)پنجاب حکومت نے ایچی سن کالج کے 24 رکنی بورڈ آف گورنرز کی…

22 گھنٹے ago

نیشنل ڈیفنس یونیورسٹی کا نام تبدیل کرکے ’کنگ سلمان یونیورسٹی فار نیشنل ڈیفنس‘ رکھنے کی منظوری

لاہور(ویب ڈیسک ) خادم حرمین شریفین شاہ سلمان بن عبدالعزیز نے نیشنل ڈیفنس یونیورسٹی کا…

2 دن ago

اوورسیز پاکستانی کا 5 لاکھ کمپیوٹر ٹیبلٹ پاکستانی طلبہ کو عطیہ کرنے کا اعلان

ٹوکیو ( مانیٹرنگ ڈیسک )جاپان میں مقیم معروف سماجی و کاروباری شخصیت راشد منہاس نے…

3 دن ago

کوہاٹ میں 12 سالہ طالب علم پر سکول مالک کا تشدد،ملزم گرفتار

کوہاٹ (نامہ نگار)کوہاٹ کے علاقے خٹک کالونی میں واقع نجی سکول کے مالک نے مبینہ…

3 دن ago