وزیر اعلیٰ پنجاب ٹرانسپورٹ انیشیٹو: اسلامیہ گریجویٹ کالج علامہ اقبال ٹاؤن کو نئی منی بس مل گئی
لاہور (خصوصی رپورٹر): گورنمنٹ اسلامیہ گریجویٹ کالجعلامہ اقبال ٹاؤن لاہور کے لیے آج کا دن ایک اہم سنگ میل ثابت ہوا، جہاں وزیر اعلیٰ پنجاب کے "ٹرانسپورٹ انیشیٹو برائے کالج اسٹوڈنٹس” کے تحت کالج کو نئی منی بس فراہم کر دی گئی۔
تقریبِ تقسیم کی تفصیلات: ایک پروقار تقریب کے دوران ڈی پی آئی (DPI) کالجز پنجاب، پروفیسر ڈاکٹر سید انصار اظہر نے نئی منی بس باقاعدہ طور پر پرنسپل جی آئی جی سی (GIGC) پروفیسر ڈاکٹر شاہدہ سہیل کے حوالے کی۔ اس کامیابی کو وزیر اعلیٰ پنجاب کے دور اندیش وژن اور پرنسپل پروفیسر ڈاکٹر شاہدہ سہیل کی انتھک محنت اور ادارے کی ترقی کے لیے ان کے متحرک کردار کا نتیجہ قرار دیا گیا ہے۔
طلبہ کے لیے سہولیات: نئی منی بس کی فراہمی سے طالبات کو محفوظ اور آرام دہ سفری سہولیات میسر آئیں گی۔ یہ بس نہ صرف تعلیمی سرگرمیوں بلکہ غیر نصابی مقابلوں کے لیے بھی طالبات کی نقل و حمل کو آسان بنانے میں معاون ثابت ہوگی۔ تقریب کے اختتام پر فیکلٹی ممبران اور عملے نے اس بڑی کامیابی پر ایک دوسرے کو مبارکباد پیش کی۔
