ؒلاہور(ایجو کیشن رپورٹر)یونیورسٹی آف ویٹرنری اینڈ اینیمل سائنسز لاہور کی ’ڈیبیٹنگ سوسائٹی‘ نے ’یومِ سیاہ کشمیر‘ کی مناسبت سے سٹی کیمپس لاہور میں یونیورسٹی کی سطح پر تقریری مقابلے کا اہتمام کیا
جس میں یونیورسٹی کے مختلف شعبہ جات سے طلبہ نے انگریزی اور اُردو کیٹیگری کے تقریری مقا بلوں میں حصہ لیا اور پرُ اعتماد انداز میں اپنے خیالات کو موثر انداز میں پیش کرنے کی صلاحیت کا مظاہرہ کیا۔
انگریزی اور اُردو کے تقریری مقابلوں میں مائدہ ظفر اور ما ہد حسن بہترین مقرر قرار پائے، جبکہ تنجینہ اکبر اور عائشہ صدیق دوسرے نمبر پر رہیں۔مقا بلے کے اختتام پر یواس ڈیبیٹنگ سوسائٹی کی نئی منتخب کابینہ کی حلف برداری تقریب کا بھی انعقاد ہو۔
وائس چانسلر پروفیسر ڈاکٹر مسعود ربانی اور سوسائٹی کے کنوینرز کی زیرِ نگرانی نئی کابینہ نے حلف اٹھایا۔پروفیسر ڈاکٹر مسعود ربانی نے طلبہ اور منتظمین کی کاوشوں کو سراہا جنہوں نے اس مقابلے کا انتہائی شاندارانداز میں انعقاد کیا۔
