پشاور(ایجو کیشن رپورٹر) پرائیویٹ ایجوکیشن نیٹ ورک خیبرپختونخوا نے صوبائی وزیر تعلیم کو ایک خط ارسال کرتے ہوئے تعلیمی سال اور بورڈ امتحانات کے مجوزہ شیڈول پر فوری نظرثانی کا مطالبہ کیا ہے۔
تعلیم میری ترجیح ہے، اسلامیہ یونیورسٹی کے لیے 1 کروڑ روپے سیڈ منی کا اعلان کرتا ہوں: گورنر بلوچستان
نیٹ ورک کے صوبائی صدر محمد سلیم خان نے اپنے خط میں مؤقف اختیار کیا ہے کہ امتحانات کے اوقات کار میں تبدیلی سے طلبہ کی تعلیمی سرگرمیاں اور تدریسی عمل شدید متاثر ہوگا۔ انہوں نے خبردار کیا کہ نتائج میں تاخیر کے باعث خیبرپختونخوا کے طلبہ ملکی و غیر ملکی جامعات اور اعلیٰ تعلیمی اداروں میں بروقت داخلے حاصل کرنے سے محروم ہو سکتے ہیں،
کیونکہ زیادہ تر جامعات میں داخلوں کی آخری تاریخیں پہلے سے طے شدہ ہوتی ہیں۔
انہوں نے صوبائی حکومت سے مطالبہ کیا کہ تعلیمی کیلنڈر اور امتحانی شیڈول کو حتمی شکل دیتے وقت طلبہ کے مستقبل، یونیورسٹی داخلوں اور والدین کی مشکلات کو پیشِ نظر رکھا جائے اور تمام اسٹیک ہولڈرز کی مشاورت سے فیصلہ کیا جائے
