پنجاب یونیورسٹی, ڈاکٹر نوشینہ سلیم فیکلٹی آف انفارمیشن اینڈ میڈیا اسٹڈیز کی ڈین تعینات

لاہور: جامعہ پنجاب (پنجاب یونیورسٹی) میں شعبہ جات کی اہم تقرری عمل میں لائی گئی ہے۔ چیئرپرسن ڈیپارٹمنٹ آف کمیونیکیشن اینڈ میڈیا ریسرچ ڈاکٹر نوشینہ سلیم کو پنجاب یونیورسٹی میں فیکلٹی آف انفارمیشن اینڈ میڈیا اسٹڈیز کا ڈین تعینات کر دیا گیا ہے۔

گورنر پنجاب کی منظوری کے بعد ڈاکٹر نوشینہ سلیم کو 3 سال کے لیے ڈین مقرر کیا گیا ہے، اور محکمہ ہائر ایجوکیشن نے اس حوالے سے باضابطہ نوٹیفکیشن جاری کر دیا ہے۔

واضح رہے کہ ڈین کی یہ نشست ڈاکٹر خالد محمود کی ریٹائرمنٹ کے بعد خالی ہوئی تھی، جس پر اب ڈاکٹر نوشینہ سلیم کو یہ نئی ذمہ داری سونپی گئی ہے۔ تعلیمی اور تدریسی حلقوں کی جانب سے ان کی اس تقرری پر مبارکباد کا سلسلہ جاری ہے۔