بڑی کامیابی، یونیورسٹی آف گوادر کے وائس چانسلر، پرو وائس چانسلر اور ڈرائیور 10 روز بعد بحفاظت بازیاب

مستونگ کے علاقہ کردگاپ سے مغوی پروفیسر ڈاکٹر عبدالرزاق صابر، ڈاکٹر سید منظور احمد اور ڈرائیور حاتم کو بازیاب کروا لیا گیا

مستونگ (نمائندہ خصوصی) بلوچستان کے ضلع مستونگ سے تعلیمی شعبے کے لیے ایک انتہائی اہم اور بڑی خوشخبری سامنے آئی ہے۔ یونیورسٹی آف گوادر کے وائس چانسلر، پرو وائس چانسلر اور ان کے ڈرائیور کو اغواء کے 10 روز بعد مستونگ کے علاقے کردگاپ سے بحفاظت بازیاب کروا لیا گیا ہے۔

تفصیلات کے مطابق، گزشتہ 14 مئی کو یونیورسٹی آف گوادر کے وائس چانسلر پروفیسر ڈاکٹر عبدالرزاق صابر، پرو وائس چانسلر ڈاکٹر سید منظور احمد، پی ایس ٹو وی سی ارشاد احمد بلیدی اور ڈرائیور حاتم گوادر سے کوئٹہ کی طرف آ رہے تھے کہ مستونگ کے پہاڑی علاقے “کھڈ کوچہ” کے مقام پر بدرنگ سے مسلح افراد نے انہیں سرکاری گاڑی (ایس یو وی) سمیت اغواء کر کے نامعلوم مقام پر منتقل کر دیا تھا۔

حکام اور سیکیورٹی ذرائع کے مطابق مسلسل کوششوں اور کارروائی کے بعد مغوی وائس چانسلر، پرو وائس چانسلر اور ڈرائیور کو بحفاظت بازیاب کروا لیا گیا ہے، جس کے بعد تعلیمی اور عوامی حلقوں نے گہرے اطمینان کا اظہار کیا ہے۔