وفاقی دارالحکومت میں بھی تعلیمی اداروں کی بندش کا اعلان: کفایت شعاری مہم کے تحت 31 مارچ تک تعطیلات
اسلام آباد (نمائندہ خصوصی) وفاقی حکومت نے اسلام آباد کے تمام سرکاری اسکولوں اور کالجوں میں 16 سے 31 مارچ تک تعطیلات کا باقاعدہ اعلان کر دیا ہے۔ فیڈرل ڈائریکٹوریٹ آف ایجوکیشن (FDE) کی جانب سے جاری کردہ نوٹیفکیشن کے مطابق یہ فیصلہ حکومتی کفایت شعاری پالیسی اور ایندھن کی بچت کی مہم کے تحت کیا گیا ہے۔
نوٹیفکیشن میں واضح کیا گیا ہے کہ تعلیمی اداروں کی بندش کے باوجود امتحانات سے متعلق تمام سرگرمیاں اور پہلے سے طے شدہ شیڈول حسبِ معمول برقرار رہیں گے اور ان میں کوئی تبدیلی نہیں کی جائے گی۔ اس کے علاوہ بی ایس (BS) پروگرامز کی تمام کلاسز کو فوری طور پر آن لائن منتقل کرنے کی ہدایت کی گئی ہے تاکہ طلبہ کا تعلیمی حرج نہ ہو۔
انتظامی امور کو چلانے کے لیے ورک فرام ہوم پالیسی بھی متعارف کروائی گئی ہے، جس کے تحت تعلیمی اداروں کا 50 فیصد انتظامی عملہ گھر سے کام کرنے کا پابند ہوگا۔ اس فیصلے کا اطلاق اسلام آباد کی حدود میں قائم تمام وفاقی سرکاری تعلیمی اداروں پر فوری طور پر ہوگا۔
پشاور(ایجو کیشن رپورٹر) پی ایم ایس نتائج کے خلاف پشاور ہائیکورٹ میں درخواست دائر، انگریزی…
لاہور(کرائم رپورٹر) صوبائی دارالحکومت لاہور کے علاقے سندر میں نجی یونیورسٹی کی طالبہ کو سنگین…
ڈاکٹر وسیم قاضی جامعہ کراچی کے نئے وائس چانسلر مقرر، نوٹیفکیشن جاری کراچی(سپیشل رپورٹر)سندھ کی…
مردان (ایجو کیشن رپورٹر) حکومت خیبر پختونخوا کے محکمہ ابتدائی و ثانوی تعلیم کے جاری کردہ…
پشاور (سپیشل رپورٹر) خیبر پختونخوا کی سرکاری جامعات میں ہونے والی بھرتیوں کے حوالے سے…
پیرس (مانیٹرنگ ڈیسک)فرانس میں ابتر تعلیمی نظام، اساتذہ کی شدید کمی اور نئی داخلہ پالیسی…