لاہور (ایجوکیشن رپورٹر) لاہور سمیت پنجاب بھر میں کتب کا عالمی دن روایتی جوش و خروش سے منایا گیا۔ اس سلسلے میں پنجاب یونیورسٹی اور مختلف تعلیمی اداروں میں کتاب خوانی کے فروغ کے لیے سیمینارز اور تقریبات کا انعقاد کیا گیا، جبکہ گورنمنٹ کالج شالیمار میں ڈائریکٹر کالجز لاہور ڈاکٹر سید عنصر اظہر کے شعری مجموعے کی پروقار تقریبِ رونمائی ہوئی۔
تقریبِ رونمائی کی تفصیلات: گورنمنٹ کالج شالیمار کی لٹریری سوسائٹی کے زیرِ اہتمام ڈی پی آئی کالجز ڈاکٹر سید عنصر اظہر کی کتاب "اداس آنکھوں سے مسکرانا” کی تقریبِ رونمائی منعقد ہوئی۔ پرنسپل ڈاکٹر محمد ابراہیم کی سربراہی میں ہونے والی یہ تقریب کالج کی تاریخ کا ایک یادگار ایونٹ ثابت ہوئی، جس میں لاہور شہر کے نامور ادبا، شعرا اور علمی شخصیات نے بڑی تعداد میں شرکت کی۔
مقررین کا خطاب: تقریب سے خطاب کرتے ہوئے ماہرینِ تعلیم اور شعرا نے ڈاکٹر سید عنصر اظہر کی ادبی خدمات کو سراہتے ہوئے کہا کہ ان کا شعری مجموعہ معاشرتی احساسات اور انسانی جذبات کی بہترین عکاسی کرتا ہے۔ پرنسپل ڈاکٹر محمد ابراہیم نے کہا کہ شالیمار کالج کے لیے یہ اعزاز کی بات ہے کہ ڈائریکٹر کالجز کی کتاب کی رونمائی کی میزبانی اس ادارے کے حصے میں آئی۔
کتب کے عالمی دن کا پیغام: پنجاب یونیورسٹی میں ہونے والی مختلف تقریبات میں مقررین نے اس بات پر زور دیا کہ ڈیجیٹل دور میں بھی کتاب کی اہمیت کم نہیں ہوئی۔ طلبہ میں کتاب دوستی کو فروغ دے کر ہی ایک باشعور معاشرہ تشکیل دیا جا سکتا ہے۔
پشاور(ایجو کیشن رپورٹر) پی ایم ایس نتائج کے خلاف پشاور ہائیکورٹ میں درخواست دائر، انگریزی…
لاہور(کرائم رپورٹر) صوبائی دارالحکومت لاہور کے علاقے سندر میں نجی یونیورسٹی کی طالبہ کو سنگین…
ڈاکٹر وسیم قاضی جامعہ کراچی کے نئے وائس چانسلر مقرر، نوٹیفکیشن جاری کراچی(سپیشل رپورٹر)سندھ کی…
مردان (ایجو کیشن رپورٹر) حکومت خیبر پختونخوا کے محکمہ ابتدائی و ثانوی تعلیم کے جاری کردہ…
پشاور (سپیشل رپورٹر) خیبر پختونخوا کی سرکاری جامعات میں ہونے والی بھرتیوں کے حوالے سے…
پیرس (مانیٹرنگ ڈیسک)فرانس میں ابتر تعلیمی نظام، اساتذہ کی شدید کمی اور نئی داخلہ پالیسی…