لاہور (ایجوکیشن رپورٹر / کرائم رپورٹر)
لاہور کے علاقے باغبانپورہ میں ویمن کالج روڈ پر واقع اسکول کی چھت گرنے کے واقعے پر ضلعی انتظامیہ کی ابتدائی رپورٹ سامنے آ گئی ہے، جس کے مطابق مذکورہ تعلیمی ادارہ غیر رجسٹرڈ تھا اور وہاں سمر کیمپ بھی غیر قانونی طور پر چلایا جا رہا تھا۔ پولیس نے کارروائی کرتے ہوئے اسکول مالکہ سمیت 5 افراد کو گرفتار کر لیا ہے۔
ضلعی انتظامیہ کی جانب سے جاری کردہ تفصیلات کے مطابق یہ اسکول نجی سطح پر کام کر رہا تھا لیکن محکمہ تعلیم کے پاس رجسٹرڈ نہیں تھا۔ اسکول کی بلڈنگ میں توسیع (ایکسٹینشن) کرنے کے لیے اس کے بالکل ساتھ والی عمارت پر تعمیراتی کام کروایا جا رہا تھا۔ اسی تعمیراتی کام کے دوران دباؤ بڑھنے سے پہلی منزل اچانک زمین بوس ہو گئی، جس کا ملبہ اسکول کی چھت پر آ گرا۔
ضلعی انتظامیہ نے واضح کیا ہے کہ اسکول میں بچوں کے لیے لگایا گیا سمر کیمپ مکمل طور پر غیر قانونی تھا جس کی کوئی اجازت نہیں لی گئی تھی۔ حادثے کے بعد ریسکیو 1122 کی ٹیموں نے ملبہ ہٹانے کا ہنگامی آپریشن کامیابی سے مکمل کر کے اب سائٹ کو مکمل طور پر کلیئر قرار دے دیا ہے۔ خوش قسمتی سے حادثے کے وقت اسکول میں موجود سمر کیمپ کے تمام بچے محفوظ رہے۔
معصوم بچوں کی زندگیوں کو خطرے میں ڈالنے اور غیر قانونی تعلیمی سرگرمیاں جاری رکھنے پر پولیس اور انتظامیہ نے فوری ایکشن لیا ہے۔ اسکول انتظامیہ کو موقع پر ہی حراست میں لے لیا گیا، جس کے دوران اسکول کی مالکہ نادیہ رضوان سمیت 5 ذمہ دار افراد کو باقاعدہ گرفتار کر کے تھانے منتقل کر دیا گیا ہے جہاں ان کے خلاف سخت قانونی کارروائی عمل میں لائی جا رہی ہے۔
پشاور(ایجو کیشن رپورٹر) پی ایم ایس نتائج کے خلاف پشاور ہائیکورٹ میں درخواست دائر، انگریزی…
لاہور(کرائم رپورٹر) صوبائی دارالحکومت لاہور کے علاقے سندر میں نجی یونیورسٹی کی طالبہ کو سنگین…
ڈاکٹر وسیم قاضی جامعہ کراچی کے نئے وائس چانسلر مقرر، نوٹیفکیشن جاری کراچی(سپیشل رپورٹر)سندھ کی…
مردان (ایجو کیشن رپورٹر) حکومت خیبر پختونخوا کے محکمہ ابتدائی و ثانوی تعلیم کے جاری کردہ…
پشاور (سپیشل رپورٹر) خیبر پختونخوا کی سرکاری جامعات میں ہونے والی بھرتیوں کے حوالے سے…
پیرس (مانیٹرنگ ڈیسک)فرانس میں ابتر تعلیمی نظام، اساتذہ کی شدید کمی اور نئی داخلہ پالیسی…