لاہور (خصوصی رپورٹر)
پنجاب بھر میں تعطیلات کے بعد تعلیمی سلسلہ معمول کے مطابق بحال ہو گیا ہے۔ اس موقع پر وزیر تعلیم پنجاب رانا سکندر حیات نے تمام طلباء و طالبات کو ‘ویلکم بیک ٹو سکول’ کہتے ہوئے ان کے لیے نیک تمناؤں کا اظہار کیا ہے۔
وزیر تعلیم نے کہا کہ "الحمد اللہ! آج سے تعلیمی سفر نئی توانائی کے ساتھ وہیں سے آگے بڑھے گا جہاں رکا تھا”۔ انہوں نے ہدایت کی کہ تعطیلات کے باعث جن بچوں کی تعلیم میں کسی بھی وجہ سے تعطل آیا ہے، اساتذہ ان کے تعلیمی تسلسل کو بحال کرنے میں اپنا بھرپور اور فعال کردار ادا کریں۔
اس کے ساتھ ہی صوبائی حکومت کی جانب سے پنجاب بھر کے سکولوں کے لیے پیر تا جمعہ کے نئے اوقاتِ کار کا باضابطہ نوٹیفکیشن بھی جاری کر دیا گیا ہے۔
اہم نکات اور ہدایات:
نئے اوقاتِ کار: صوبے کے تمام سکولوں میں اوقاتِ کار صبح 8:00 بجے سے دوپہر 1:30 بجے تک مقرر کیے گئے ہیں۔
ادادوں کو ہدایت: تمام تعلیمی ادارے جاری کردہ نوٹیفکیشن اور مقررہ اوقاتِ کار کو مدنظر رکھتے ہوئے اپنا تعلیمی شیڈول ترتیب دیں۔
آؤٹ آف سکول بچے: رانا سکندر حیات کا کہنا تھا کہ سکولوں سے باہر بچوں کی تعداد میں اضافے کو روکنا ایک بڑا چیلنج ہے، اور ہر بچے کو سکول تک لانا ہم سب کی مشترکہ ذمہ داری ہے۔
مستقبل کی حکمتِ عملی: انہوں نے مزید بتایا کہ مستقبل میں کسی بھی قسم کے تعلیمی نقصان سے بچنے اور تعلیمی معیار برقرار رکھنے کے لیے نئی حکمتِ عملی وضع کرنے پر مشاورت جاری ہے۔
پشاور(ایجو کیشن رپورٹر) پی ایم ایس نتائج کے خلاف پشاور ہائیکورٹ میں درخواست دائر، انگریزی…
لاہور(کرائم رپورٹر) صوبائی دارالحکومت لاہور کے علاقے سندر میں نجی یونیورسٹی کی طالبہ کو سنگین…
ڈاکٹر وسیم قاضی جامعہ کراچی کے نئے وائس چانسلر مقرر، نوٹیفکیشن جاری کراچی(سپیشل رپورٹر)سندھ کی…
مردان (ایجو کیشن رپورٹر) حکومت خیبر پختونخوا کے محکمہ ابتدائی و ثانوی تعلیم کے جاری کردہ…
پشاور (سپیشل رپورٹر) خیبر پختونخوا کی سرکاری جامعات میں ہونے والی بھرتیوں کے حوالے سے…
پیرس (مانیٹرنگ ڈیسک)فرانس میں ابتر تعلیمی نظام، اساتذہ کی شدید کمی اور نئی داخلہ پالیسی…