وزیر تعلیم پنجاب رانا سکندر حیات نے صوبے کی عوام کو بسنت تہوار کی بحالی پر مبارکباد دیتے ہوئے کہا ہے کہ 2 دہائیوں بعد رنگ لوٹ رہے ہیں

وزیر تعلیم پنجاب رانا سکندر حیات نے صوبے کی عوام کو بسنت تہوار کی بحالی پر مبارکباد دیتے ہوئے کہا ہے کہ 2 دہائیوں بعد رنگ لوٹ رہے ہیں، خوشیاں واپس آ رہی ہیں۔ بوکاٹا کریں لیکن جو رنگ 25 سال بعد واپس آ رہا ہے، اسے حکومتی ہدایات کے مطابق محفوظ بنائیں۔ انہوں نے کہا کہ بسنت سے بہت سی یادیں وابستہ ہیں۔ بحیثیت پاکستانی میں اپنے کلچر کی واپسی پر بہت خوش ہوں۔ انٹرنیشل وزٹرز سمیت میرے کئی دوست بھی بیرون ممالک سے بسنت تہوار میں شامل ہونے لاہور آ رہے ہیں۔ وزیر تعلیم نے کہا کہ قوم کو گذشتہ چند سالوں میں چھینی گئی مسکراہٹیں لوٹانے کیلئے بسنت کو فیسٹیول کی صورت میں منا رہے ہیں۔

تین دن رونقیں لگیں گی، میوزک ہوگا اور پیچے ہوں گے۔ رانا سکندر حیات نے مزید کہا کہ اندرون لاہور کے منتخب سکولوں کی چھتوں پر بسنت فیسٹیول کے انعقاد کی اجازت دی ہے۔ وزیر تعلیم نے قوم کو خوشیاں واپس لوٹانے پر وزیر اعلیٰ پنجاب مریم نواز کا شکریہ بھی ادا کیا۔