کوئٹہ(سپیشل رپورٹر) گورنر بلوچستان جعفر خان مندوخیل نے کہا ہے کہ تعلیم ان کی اولین ترجیح اور دلچسپی کا محور ہے، اور وہ بہت جلد اسلامیہ یونیورسٹی کا سنگِ بنیاد رکھنے کے لیے دوبارہ تشریف لائیں گے۔ ان خیالات کا اظہار انہوں نے پیر کے روز اسلامیہ گرلز کالج میں انجمن اسلامیہ بلوچستان کے زیراہتمام منعقدہ ایک تقریب سے خطاب کرتے ہوئے کیا۔
اس موقع پر صوبائی وزیر میر عاصم کرد گیلو، سردار یحیٰی خان ناصر، پرنسپل اسلامیہ گرلز کالج پروفیسر شائستہ کاکڑ، محمد نعیم احمد خان سمیت اساتذہ اور طالبات کی بڑی تعداد موجود تھی۔
ابوظہبی انٹرنیشنل بک فیئر 2026 میں پاکستان پویلین کا افتتاح
گورنر بلوچستان نے اسلامیہ یونیورسٹی کے قیام کے لیے 1 کروڑ روپے بطور ‘سیڈ منی’ (Seed Money) دینے کا اعلان کرتے ہوئے کہا کہ یہ صرف ایک مالی امداد نہیں بلکہ ہماری آنے والی نسلوں کے روشن مستقبل کا عزم ہے۔ اس کے علاوہ انہوں نے بلوچستان بورڈ کے ایف ایس سی امتحانات میں بالترتیب پہلی، دوسری اور تیسری پوزیشن حاصل کرنے والی اسلامیہ کالج کی طالبات کے لیے 1، 1 لاکھ روپے نقد انعام کا بھی اعلان کیا۔
انہوں نے انجمن اسلامیہ کی تعلیمی خدمات کو سراہتے ہوئے کہا کہ یہ ایک تاریخی اور موقر ادارہ ہے جس کے فارغ التحصیل طلبہ و طالبات ملکی ترقی میں اہم کردار ادا کر رہے ہیں۔ تقریب کے اختتام پر گورنر بلوچستان نے پوزیشن ہولڈر طالبات اور منتظمین میں انعامات اور یادگاری شیلڈز تقسیم کیں۔
پشاور(ایجو کیشن رپورٹر) پی ایم ایس نتائج کے خلاف پشاور ہائیکورٹ میں درخواست دائر، انگریزی…
لاہور(کرائم رپورٹر) صوبائی دارالحکومت لاہور کے علاقے سندر میں نجی یونیورسٹی کی طالبہ کو سنگین…
ڈاکٹر وسیم قاضی جامعہ کراچی کے نئے وائس چانسلر مقرر، نوٹیفکیشن جاری کراچی(سپیشل رپورٹر)سندھ کی…
مردان (ایجو کیشن رپورٹر) حکومت خیبر پختونخوا کے محکمہ ابتدائی و ثانوی تعلیم کے جاری کردہ…
پشاور (سپیشل رپورٹر) خیبر پختونخوا کی سرکاری جامعات میں ہونے والی بھرتیوں کے حوالے سے…
پیرس (مانیٹرنگ ڈیسک)فرانس میں ابتر تعلیمی نظام، اساتذہ کی شدید کمی اور نئی داخلہ پالیسی…