لاہور (ایجو کیشن رپورٹر)
صوبائی وزیرِ تعلیم رانا سکندر حیات کی زیرِ صدارت ‘نواز شریف اسکول آف ایمیننس’ فیز 2 کے لائسنسز سے متعلق ایک اہم جائزہ اجلاس منعقد ہوا، جس میں منصوبے کے تمام انتظامی اور تعلیمی امور کا باریک بینی سے جائزہ لیا گیا۔
اجلاس کے دوران وزیرِ تعلیم نے اسکول آف ایمیننس میں تعلیم کے معیار پر کسی بھی قسم کا سمجھوتہ نہ کرنے کا واضح موقف اپنایا۔ انہوں نے مانیٹرنگ ٹیم کی اسکول وزٹ رپورٹس کے تناظر میں بعض لائسنسیز کی شدید سرزنش کی اور تمام لائسنسیز کو ہدایت کی کہ وہ وضع کردہ قواعد و ضوابط کے مطابق سو فیصد انفراسٹرکچر کو یقینی بنائیں۔ وزیرِ تعلیم نے سخت تنبیہ کرتے ہوئے کہا کہ "ٹی او آرز (TORs) پر عمل نہ کرنے والے اسکولوں کا لائسنس فوری کینسل کر دیا جائے گا۔”
اعلی ثانوی تعلیمی بورڈ کراچی، نہم جماعت جنرل گروپ کی مارک شیٹس جاری
رانا سکندر حیات کا کہنا تھا کہ "اسکول آف ایمیننس بیکن ہاؤس یا ایل جی ایس جیسے مہنگے اسکولوں کو افورڈ کرنے والوں کے لیے نہیں، بلکہ یہ غریب بچوں کے لیے بنایا گیا ایک انقلابی منصوبہ ہے، جس کی بدولت آج نجی سیکٹر بھی اس ماڈل کو دیکھ کر پریشان ہے۔” انہوں نے حکام کو ہدایت کی کہ اس منصوبے کو حکومتی تعلیمی ویژن کے عین مطابق اسٹیٹ آف دی آرٹ بنایا جائے۔
اجلاس میں کیے گئے دیگر اہم فیصلے
جدید مانیٹرنگ سسٹم بچوں کی حاضری کی چیکنگ کے لیے فیشل ریکیگنیشن کیمرے لگائے جائیں اور پیف میں ایک خصوصی مانیٹرنگ روم قائم کیا جائے۔
بروقت ادائیگیاں تمام لائسنسیز کو وقت پر ادائیگیاں یقینی بنائی جائیں گی تاکہ کام متاثر نہ ہو۔
نئے سلیبس اور کتب کی فراہمی ہم اسمارٹ سلیبس کی طرف بڑھ چکے ہیں اور نئے سلیبس کو 35 فیصد ری پروڈیوس (Reproduce) کیا گیا ہے۔ پہلی سے پانچویں جماعت تک کی تمام کتب فروری میں اسکولوں تک پہنچا دی جائیں گی۔
مربوط اسکول پالیسی لائسنسیز کے درپیش مسائل کے حل کے لیے تمام اسٹیک ہولڈرز کی باہمی مشاورت سے ایک جامع اور مربوط اسکول پالیسی تشکیل دی جائے گی۔
پشاور(ایجو کیشن رپورٹر)جماعت اسلامی پاکستان کے امیر حافظ نعیم الرحمان نے پشاور پریس کلب میں…
ملتان(ایجو کیشن رپورٹر) ملتان میں قائم ملتان یونیورسٹی آف سائنس اینڈ ٹیکنالوجی ناگ شاہ چوک…
پشاور(ایجو کیشن رپورٹر)گورنر خیبر پختونخوا فیصل کریم کنڈی نے کہا ہے کہ تعلیم کسی بھی…
لاہور (ایجو کیشن رپورٹر) یونیورسٹی آف ایجوکیشن لاہور نے تحقیقی و علمی میدان میں ایک…
لاہور (ایجو کیشن رپورٹر) علامہ اقبال میڈیکل کالج لاہور کے طلبہ نے کالج کے سوئمنگ…
ملتان (ایجوکیشن رپورٹر) سپیشلائزڈ ہیلتھ کیئر اینڈ میڈیکل ایجوکیشن ڈیپارٹمنٹ پنجاب نے غیر ملکی میڈیکل…