Alleged nepotism in University of Haripur Selection Board; Khyber Pakhtunkhwa government forms inquiry committee
پشاور (ایجوکیشن رپورٹر) محکمہ اعلیٰ تعلیم، آرکائیوز و لائبریریز خیبر پختونخوا نے یونیورسٹی آف ہری پور کے سلیکشن بورڈ میں مبینہ اقربا پروری، جانبداری اور طریقہ کار کی بے ضابطگیوں کی تحقیقات کے لیے اعلیٰ سطح کی فیکٹ فائنڈنگ انکوائری کمیٹی تشکیل دے دی ہے۔ سرکاری اعلامیے کے مطابق اس اقدام کا مقصد تقرریوں کے عمل میں شفافیت کو یقینی بنانا اور یونیورسٹی ایکٹ و حکومتی پالیسیوں کی خلاف ورزی کی جانچ کرنا ہے۔
کمیٹی کی ساخت: تین رکنی انکوائری کمیٹی کی سربراہی ایڈیشنل سیکرٹری یونیورسٹیز محمد فاروق کریں گے، جبکہ دیگر ارکان میں ڈپٹی سیکرٹری یونیورسٹیز اظہر ظہور اور ایبٹ آباد یونیورسٹی آف سائنس اینڈ ٹیکنالوجی کے رجسٹرار شامل ہیں۔
تحقیقات کا دائرہ کار: جاری کردہ اعلامیے کے مطابق کمیٹی درج ذیل پہلوؤں کا باریک بینی سے جائزہ لے گی:
سفارشات اور ڈیڈ لائن: کمیٹی کو پابند کیا گیا ہے کہ وہ 10 روز کے اندر اپنی مفصل رپورٹ محکمہ اعلیٰ تعلیم کو پیش کرے۔ انکوائری کمیٹی نہ صرف بے ضابطگی ثابت ہونے کی صورت میں ذمہ داران کا تعین کرے گی بلکہ آئندہ کے لیے شفاف اور میرٹ پر مبنی بھرتیوں کو یقینی بنانے کے لیے ٹھوس سفارشات بھی مرتب کرے گی۔
حکام کا کہنا ہے کہ تعلیمی اداروں میں میرٹ کی پامالی کسی صورت برداشت نہیں کی جائے گی اور انکوائری رپورٹ کی روشنی میں سخت قانونی کارروائی عمل میں لائی جائے گی۔
پشاور(ایجو کیشن رپورٹر) پی ایم ایس نتائج کے خلاف پشاور ہائیکورٹ میں درخواست دائر، انگریزی…
لاہور(کرائم رپورٹر) صوبائی دارالحکومت لاہور کے علاقے سندر میں نجی یونیورسٹی کی طالبہ کو سنگین…
ڈاکٹر وسیم قاضی جامعہ کراچی کے نئے وائس چانسلر مقرر، نوٹیفکیشن جاری کراچی(سپیشل رپورٹر)سندھ کی…
مردان (ایجو کیشن رپورٹر) حکومت خیبر پختونخوا کے محکمہ ابتدائی و ثانوی تعلیم کے جاری کردہ…
پشاور (سپیشل رپورٹر) خیبر پختونخوا کی سرکاری جامعات میں ہونے والی بھرتیوں کے حوالے سے…
پیرس (مانیٹرنگ ڈیسک)فرانس میں ابتر تعلیمی نظام، اساتذہ کی شدید کمی اور نئی داخلہ پالیسی…