Distribution of scholarships in collaboration with PEF and PARCO
یونیورسٹی آف ایجوکیشن، لاہور میں وزیراعظم یوتھ لیپ ٹاپ سکیم کی تقریب، 1068طلباء کو لیپ ٹاپس دیئے گئے
لاہور (سپیشل رپورٹر) یونیورسٹی آف ایجوکیشن کے مرکزی کیمپس، لاہور میں وزیراعظم یوتھ لیپ ٹاپ سکیم کے تحت لیپ ٹاپ تقسیم کرنے کی ایک پُروقار تقریب منعقد ہوئی، جس میں جامعہ کے 1,068 باصلاحیت اور مستحق طلبہ و طالبات کو ان کی تعلیمی کارکردگی اور اعلیٰ تعلیم سے وابستگی کے اعتراف میں لیپ ٹاپ فراہم کیے گئے۔ تقریب کی صدارت وائس چانسلر پروفیسر ڈاکٹر عاکف انور چوہدری نے کی جبکہ مہمان خصوصی وزیراعظم یوتھ پروگرام کے فوکل پرسن فہد شہباز تھے۔
اس موقع پر اپنے خطاب میں وائس چانسلر پروفیسر ڈاکٹر عاکف انور چوہدری نے کامیاب طلبہ کو مبارکباد پیش کرتے ہوئے اس اقدام کو نوجوانوں میں ڈیجیٹلائزیشن اور تعلیمی برتری کے فروغ کی جانب
ایک اہم سنگِ میل قرار دیا۔ انہوں نے کہا کہ وزیرِاعظم لیپ ٹاپ اسکیم حکومت کے اس عزم کی عکاسی کرتی ہے جس کے تحت انسانی وسائل میں سرمایہ کاری اور طلبہ کو جدید ٹیکنالوجی سے آراستہ کر کے انہیں عالمی معیشت میں مسابقت کے قابل بنایا جا رہا ہے۔ مہمان خصوصی فہد شہباز نے اسکیم کے شفاف اور میرٹ پر مبنی انتخابی عمل کو اجاگر کرتے ہوئے کہا کہ وزیراعظم یوتھ لیپ ٹاپ سکیم کا مقصد ڈیجیٹل خلیج کو کم کرنا اور مختلف سماجی و معاشی پس منظر سے تعلق رکھنے والے طلبہ کو مساوی مواقع فراہم کرنا ہے۔
لیپ ٹاپ حاصل کرنے والے طلبہ نے بھی اس موقع پر خوشی اور تشکر کا اظہار کیا اور اسے اپنی تعلیمی زندگی میں ایک ”گیم چینجر“ قرار دیا۔ تقریب کے اختتام پر لیپ ٹاپس کی باضابطہ تقسیم عمل
میں لائی گئی۔
پشاور(ایجو کیشن رپورٹر) پی ایم ایس نتائج کے خلاف پشاور ہائیکورٹ میں درخواست دائر، انگریزی…
لاہور(کرائم رپورٹر) صوبائی دارالحکومت لاہور کے علاقے سندر میں نجی یونیورسٹی کی طالبہ کو سنگین…
ڈاکٹر وسیم قاضی جامعہ کراچی کے نئے وائس چانسلر مقرر، نوٹیفکیشن جاری کراچی(سپیشل رپورٹر)سندھ کی…
مردان (ایجو کیشن رپورٹر) حکومت خیبر پختونخوا کے محکمہ ابتدائی و ثانوی تعلیم کے جاری کردہ…
پشاور (سپیشل رپورٹر) خیبر پختونخوا کی سرکاری جامعات میں ہونے والی بھرتیوں کے حوالے سے…
پیرس (مانیٹرنگ ڈیسک)فرانس میں ابتر تعلیمی نظام، اساتذہ کی شدید کمی اور نئی داخلہ پالیسی…