پنجاب بورڈ آف ٹیکنیکل ایجوکیشن لاہور نے متعدد ڈپلومہ جات کے رزلٹ کا اعلان کر دیا

لاہور(سپیشل رپورٹر) پنجاب بورڈ آف ٹیکنیکل ایجوکیشن لاہور نے آپنے زیر انتظام ہونیوالے ڈپلومہ آف ایسوسی ایٹ انجنیئر ،(سائنو پاک ڈیول ڈپلومہ) ڈپلومہ ڈریس ڈیزائننگ اینڈ ڈریس میکنگ ،ڈپلومہ سٹی اینڈ گلڈ پہلے سالانہ امتحان 2026 کے امتحانی شیڈول کا اعلان کر دیا ہے,سال دوئم،سوئم اور چہارم کے عملی (پریکٹیکل) امتحان کا انعقاد 16 اپریل جبکہ تمام سالوں کا تھیوری امتحان 29 جون سے شروع ہو گا

۔سنگل فیس کے ساتھ 11مارچ،ڈبل فیس کے ساتھ 18مارچ،جبکہ ٹرپل فیس کے ساتھ 27 مارچ تک فیس بینک میں جمع کروائی جا سکتی ہے ۔ٹرپل فیس کی تاریخ گزر جانے کے بعد ہارڈشپ کیسز ،500 روپے یومیہ جرمانہ کے ساتھ 7 اپریل تک جمع کروائے جا سکتے ہیں ۔ گولڈن چانس کے ا میدواران سپیشل امتحانی فیس27 مارچ تک اور ہارڈ شپ کی صورت میں ،500یومیہ جرمانہ کے ساتھ 7 اپریل تک جمع کروا سکتے ہیں۔اس کے بعد کوئی بھی داخلہ فارم قابل قبول نہ ہوگا۔

چیرمین پنجاب بورڈ آف ٹیکنیکل ایجوکیشن ڈاکٹر فیصل محمود اور کنٹرولر امتحانات عرفان قاسم ملک کی ہدایت پر امتحانی شیڈول تمام متعلقہ اداروں کو ارسال کر دیا گیا ہے ۔مذید معلومات کے لیے بورڈ کی ویب سائٹ www.pbte.edu.pk وزٹ کی جا سکتی ہے