محکمہ اسکول ایجوکیشن، سنگاپور انٹرنیشنل ماسٹری کنٹسٹس سینٹر اور انٹرنیشنل کونسلٹس اینڈ اسسمنٹس میں یادداشت پر دستخط
سرکاری سکولوں کے طلبا کے لیے 60 ملین روپے کی معاونت کریں گے، صدر سنگاپور انٹرنیشنل ماسٹری کنٹسٹس ہنری اونگ
کراچی (سٹاف رپورٹر)
سندھ کے سرکاری اسکولوں کے ہونہار طلبہ و طالبات کے لیے بین الاقوامی تعلیمی مقابلوں اور عالمی سطح پر اپنی صلاحیتوں کے اظہار کے نئے مواقع کی راہ ہموار ہو گئی ہے۔ محکمہ اسکول ایجوکیشن سندھ نے بین الاقوامی معیار کے تعلیمی مقابلوں اور سرٹیفکیشن کے لیے 60 ملین روپے کی معاونت حاصل کر لی ہے، جس کے تحت سرکاری اسکولوں کے طلبہ کو عالمی سطح کے مختلف تعلیمی مقابلوں میں شرکت کے مواقع فراہم کیے جائیں گے۔
صوبائی وزیر تعلیم سردار علی شاہ کی قیادت میں محکمہ اسکول ایجوکیشن سندھ، سنگاپور انٹرنیشنل ماسٹری کنٹسٹس سینٹر اور انٹرنیشنل کونسلٹس اینڈ اسسمنٹس کے درمیان لیٹر آف انڈر اسٹینڈنگ پر دستخط کیے گئے۔
تقریب میں سیکریٹری اسکول ایجوکیشن زاہد علی عباسی، ایڈیشنل سیکریٹری اسکول ایجوکیشن، سنگاپور انٹرنیشنل ماسٹری کنٹسٹس سینٹر سنگاپور کے صدر ہنری اونگ، انٹرنیشنل کونسلٹس اینڈ اسسمنٹس کے چیف ایگزیکٹو آفیسر مخدوم حسین بھٹی، طلبہ اور ان کے والدین نے شرکت کی۔
اس موقع پر وزیر تعلیم سردار علی شاہ نے کہا کہ سندھ کے سرکاری اسکولوں کے ہونہار طلبہ کو دنیا سے جوڑنے اور ان کی صلاحیتوں کو عالمی سطح پر اجاگر کرنے کی جانب یہ ایک اہم قدم ہے
