راولپنڈی (کرائم رپورٹر)
سیاسی جماعتوں کے متوقع احتجاج اور دھرنوں سے نمٹنے کے لیے راولپنڈی میں سیکیورٹی کے غیر معمولی اور فول پروف انتظامات شروع کر دیے گئے ہیں۔ پنجاب بھر سے 15 ہزار سے زائد پولیس اہلکاروں کی راولپنڈی آمد کا سلسلہ
جاری ہے، جن کی رہائش کے لیے ضلع کے لیے
اڑتالیس سرکاری سکولوں کو خالی کروانے کا حکم دیا گیا ہے
اہلکاروں کی اتنی بڑی تعداد میں سکولوں میں قیام کے باعث انتظامیہ آج اس بات کا حتمی جائزہ لے کر فیصلہ کرے گی کہ آیا ان تمام 48 متاثرہ تعلیمی اداروں میں تدریسی عمل معطل کر کے باضابطہ تعطیلات کا اعلان کیا جائے یا نہیں۔ فیصلہ سامنے آتے ہی اسکول انتظامیہ کی جانب سے والدین کو فوری آگاہ کر دیا جائے گا۔
اٹلی کا سکولوں میں حجاب اور برقع پر پابندی کا فیصلہ
تعلیمی اداروں کی تقسیم اور سیکیورٹی ڈیوٹی
ذرائع کے مطابق صوبے کے دیگر اضلاع سے آنے والی پولیس نفری کی پہلی ٹکڑیاں راولپنڈی پہنچنا شروع ہو چکی ہیں جنہیں درج ذیل علاقوں کے اسکولوں میں ٹھہرایا جا رہا ہے
راولپنڈی شہر 21 اسکول
ٹیکسلا 10 اسکول
چکری انٹرچینج (قریب) 6 اسکول
گجر خان 5 اسکول
کلر سیداں 3 اسکول
حکام کا کہنا ہے کہ شہر میں امن و امان کی صورتحال برقرار رکھنے اور نفاذِ قانون کو یقینی بنانے کے لیے مرحلہ وار مزید نفری بھی راولپنڈی پہنچ رہی ہے۔ انتظامیہ کا کہنا ہے کہ طلبہ و طالبات کے تحفظ اور پولیس اہلکاروں کے قیام کو مدِنظر رکھتے ہوئے تعلیمی عمل کی معطلی سے متعلق فیصلہ جلد واضح کر دیا جائے گا۔
