چترال (نمائندہ خصوصی) جامعہ چترال کے سینیٹ کا دسویں اجلاس صوبائی وزیر برائے اعلیٰ تعلیم مینا خان آفریدی کی زیرِ صدارت منعقد ہوا، جس میں مالی سال 27-2026 کے بجٹ تخمینوں کی متفقہ منظوری دے دی گئی۔
اجلاس کے دوران وائس چانسلر پروفیسر ڈاکٹر حاضر اللہ نے جامعہ کی مجموعی کارکردگی پر تفصیل سے بریفنگ دی۔ صوبائی وزیر مینا خان آفریدی نے جامعہ چترال کی کارکردگی کو سراہتے ہوئے کہا کہ حکومت اعلیٰ تعلیم، تحقیق اور علاقائی ترقی کے فروغ کے لیے جامعات کی بھرپور معاونت جاری رکھے گی۔
اجلاس میں رجسٹرار ڈاکٹر محمد ارشاد، ڈائریکٹر فنانس سیف المجاہد اور بجٹ آفیسر مسٹر سلطان نے مالی سال کے بجٹ تخمینہ جات پیش کیے۔ سینیٹ نے تفصیلی غور و خوض کے بعد بجٹ کی متفقہ منظوری دیتے ہوئے شفاف مالیاتی نظم و نسق، مشروط وسائل کے استعمال اور پائیدار ادارہ جاتی ترقی کے عزم کا اعادہ کیا۔
