خیبر میڈیکل یونیورسٹی کی طالبہ کو ہراساں اور بلیک میل کرنے والا ملزم گرفتار

• پشاور (سپيشل رپورٹر)

• نیشنل سائبر کرائم انویسٹی گیشن ایجنسی (این سی سی آئی اے) پشاور سرکل نے کارروائی کرتے ہوئے خیبر میڈیکل یونیورسٹی پشاور کی طالبہ کو مبینہ طور پر ہراساں، بلیک میل اور دھمکیاں دینے کے الزام میں ایک ملزم کو گرفتار کر لیا ہے

این سی سی آئی اے پشاور سرکل کے مطابق گرفتار ملزم کی شناخت عبد الوہاب ولد رحمت اللہ سکنہ لنڈی جالندر ضلع بنوں کے نام سے ہوئی ہے۔ حکام کے مطابق دورانِ تفتیش شکایت کنندہ کو مبینہ طور پر الیکٹرانک ذرائع کے ذریعے ہراساں کرنے، بلیک میلنگ اور دھمکیاں دینے سے متعلق شواہد اکٹھے کیے گئے، جس کے بعد ملزم کو قانون کے مطابق حراست میں لیا گیا

حکام کا کہنا ہے کہ واقعے کی مزید تفتیش جاری ہے۔ این سی سی آئی اے طلبہ کو سائبر ہراسگی سے تحفظ فراہم کرنے کے لیے پرعزم ہے اور ایسے عناصر کے خلاف قانونی کارروائی بلاتعطل جاری رکھی جائے گی