راولپنڈی (نمائندہ خصوصی) راولپنڈی کی ایڈیشنل ڈسٹرکٹ اینڈ سیشن جج نے 10 سالہ طالب علم کو زیادتی کا
نشانہ بنانے والے ملزم عنصر محمود کو عمر قید اور 5 لاکھ روپے ہرجانے کی سزا سنا دی ہے۔ اس کیس کا مقدمہ
مارچ 2024 میں تھانہ مندرہ میں درج کیا گیا تھا۔ ملزم نے طالب علم کو اغوا کر کے زیادتی کا نشانہ بنایا اور موقع
سے فرار ہو گیا تھا۔
ٹیچر کی ہدایت پر طالب علم سے زیادتی،خود ویڈیو بناتا رہا، مقدمہ درج
پولیس نے کارروائی کرتے ہوئے بعد ازاں ملزم کو گرفتار کر لیا تھا۔ میڈیکل اور فرانزک رپورٹس میں زیادتی کی تصدیق
ہوئی جس کی بنیاد پر عدالت نے جرم ثابت ہونے پر سزا کا حکم سنایا۔ سزا کے بعد ملزم کو اڈیالہ جیل منتقل کر دیا گیا
ہے، جبکہ سی پی او نے بہترین کارکردگی پر تفتیشی ٹیم کو شاباش دی۔
