کراچی (سپیشل رپورٹر) سندھ کے میڈیکل اور ڈینٹل کالجز میں داخلوں کے لیے لیے گئے ایم ڈی کیٹ 2026ء کے حتمی نتائج جاری کر دیے گئے ہیں۔
سکھر آئی بی اے ٹیسٹنگ سروس کے اعلامیے کے مطابق 20 ستمبر کو سندھ اور دیگر صوبوں کے 9 ٹیسٹ سینٹرز میں ایم ڈی کیٹ امتحان کا انعقاد کیا گیا تھا۔ عارضی نتائج پر امیدواروں کی جانب سے موصول ہونے والے تمام اعتراضات کا تفصیلی جائزہ لینے اور ان پر حتمی فیصلوں کے بعد نتائج کو حتمی شکل دی گئی ہے۔
تعلیمی بورڈ کوہاٹ، جوابی کاپیوں میں ٹیمپرنگ ، کنٹرولر معطل
داخلہ پالیسی اور معیار> ایس ٹی ایس کے مطابق
ایم بی بی ایس (MBBS)داخلے کا اہل ہونے کے لیے امیدواروں کے لیے کم از کم -55 فیصد نمبر حاصل کرنا لازمی ہے۔
بی ڈی ایس ڈینٹل کالجز میں داخلے کے لیے 50 فیصد پاسنگ مارکس مقرر کیے گئے ہیں۔
ایس ٹی ایس نے کامیاب امیدواروں کی حتمی میرٹ فہرستیں اپنی رسمی ویب سائٹ پر اپ لوڈ کر دی ہیں، جہاں تمام امیدوار اپنا رول نمبر درج کر کے اپنا نتیجہ دیکھ سکتے ہیں۔
