سندھ ہائیکورٹ، ایم ڈی کیٹ کی متنازعہ آنسر کیز کے خلاف درخواست دائر

کراچی (نیٹ نیوز) ایم ڈی کیٹ امتحان کی مبینہ متنازع آنسر کیز کے خلاف سندھ ہائی کورٹ میں آئینی درخواست دائر کر دی گئی ہے۔ درخواست میں پی ایم ڈی سی، سکھر آئی بی اے اور جناح سندھ میڈیکل یونیورسٹی سمیت 6 فریقین کو نامزد کیا گیا ہے۔ درخواست گزار نے موقف اپنایا ہے کہ عدالت پی ایم ڈی سی اور متعلقہ اداروں کو ایم ڈی کیٹ کا سوالیہ پرچہ اور آنسر کیز فوری طور پر ویب سائٹ پر جاری کرنے کا حکم دے۔