لاڑکانہ (خصوصی رپورٹر) سندھ کے نوجوانوں کو کھیلوں، تعلیم، جدید مہارتوں اور روزگار کے مواقع سے منسلک کرنے کے لیے 3 روزہ "سندھ یوتھ اپرچونٹی فیسٹیول” 17، 18 اور 19 ستمبر 2026ء کو لاڑکانہ میں منعقد کیا جا رہا ہے۔
یہ فیسٹیول محکمہ سپورٹس اینڈ یوتھ افیئرز حکومتِ سندھ کے تعاون سے ‘پریمورا ایونٹس اینڈ پروڈکشن’ کے زیرِ اہتمام منعقد ہو رہا ہے۔ صوبائی وزیر برائے سپورٹس اینڈ یوتھ افیئرز محمد بخش خان مہر اور سیکرٹری منور علی مہیسر کی خصوصی نگرانی میں اس کا مقصد "نوجوانوں کو بااختیار بنانا، مستقبل کو بلند کرنا” ہے۔
فیسٹیول کے اہم شیڈول اور سرگرمیاں درج ذیل ہیں:
-
یوتھ کرکٹ ٹورنامنٹ: 17 اور 18 ستمبر کو صبح 10 بجے سے میونسپل سٹیڈیم لاڑکانہ میں ابتدائی میچز کھیلے جائیں گے۔
-
ٹورنامنٹ فائنل: کرکٹ ٹورنامنٹ کا فائنل معرکہ 19 ستمبر کو سہ پہر 3 بجے میونسپل سٹیڈیم میں ہوگا۔
-
اصلی فیسٹیول و آگاہی سیشن: 19 ستمبر کو شام 5 بجے سر شاہنواز بھٹو میموریل لائبریری لاڑکانہ میں مرکزی فیسٹیول سجے گا۔
اس تقریب کے دوران نوجوانوں کو کیریئر گائیڈنس، سکالرشپس، فنی مہارتوں اور جدت (Innovation) جیسے اہم شعبوں میں دستیاب روزگار اور تعلیمی مواقع پر سیر حاصل آگاہی فراہم کی جائے گی تاکہ سندھ کے نوجوان اپنی صلاحیتوں کو اجاگر کر کے روشن مستقبل کی طرف قدم بڑھا سکیں۔
