لاہور (ایجوکیشن رپورٹر)
صوبہ پنجاب کے تمام 9 تعلیمی بورڈز نے انٹرمیڈیٹ (ایف اے، ایف ایس سی، آئی سی ایس، اور کامرس) سالانہ امتحانات 2026 کے پوزیشن ہولڈرز کے ناموں کا باقاعدہ اور متفقہ طور پر اعلان کر دیا ہے۔
واضح رہے کہ آج صرف سائنس اور آرٹس گروپس میں نمایاں پوزیشنز حاصل کرنے والے ہونہار طلبہ و طالبات کے ناموں کا اعلان کیا گیا ہے، جبکہ صوبے بھر کے تمام امیدواروں کے باقاعدہ اور حتمی نتائج آج 10:00 بجے جاری کیے جائیں گے۔
انعامات کی تقسیم اور اہم تفصیلات
مبارکباد اور انعامی تقاریب آج صبح 10:00 بجے نتائج کے باقاعدہ برائے راست جاری ہوتے ہی صوبے کے تمام تعلیمی بورڈز اپنے اپنے دفاتر میں خصوصی تقاریب کا اہتمام کریں گے، جہاں ٹاپ پوزیشنز حاصل کرنے والے طلبا و طالبات میں شیلڈز، اسناد اور نقد انعامات تقسیم کیے جائیں گے۔طالبات اور سرکاری کالجز کا راج: جاری کردہ فہرستوں کے مطابق امسال بھی طالبات نے مختلف گروپس میں تاریخی کامیابی حاصل کی ہے، جبکہ نجی اداروں کے ساتھ ساتھ سرکاری کالجوں کے طلبہ نے بھی نمایاں پوزیشنز اپنے نام کی ہیں۔
نتائج چیک کرنے کا طریقہ کار
تمام 9 تعلیمی بورڈز (لاہور، راولپنڈی، ملتان، فیصل آباد، گوجرانوالہ، ساہیوال، سرگودھا، بہاولپور اور ڈیرہ غازی خان) کے عمومی نتائجکل صبح 10 بجے آن لائن پورٹلز اور ایس ایم ایس سروس پر دستیاب ہوں گے۔ طلبہ و طالبات اپنے متعلقہ بورڈ کی آفیشل ویب سائٹ پر اپنا رول نمبر درج کر کے اپنے مارکس چیک اور رزلٹ کارڈ ڈاؤن لوڈ کر سکیں گے۔
