ملتان (ایجوکیشن رپورٹر) سپیشلائزڈ ہیلتھ کیئر اینڈ میڈیکل ایجوکیشن ڈیپارٹمنٹ پنجاب نے غیر ملکی میڈیکل
گریجویٹس کی ہاؤس جاب اور پوسٹ گریجویٹ ٹریننگ میں شمولیت کے طریقہ کار کا جائزہ لینے اور اسے مزید
شفاف و میرٹ پر مبنی بنانے کے لیے 8 رکنی اعلیٰ سطح کی کمیٹی تشکیل دے دی ہے۔
وفاقی اردو یونیورسٹی, سینیٹ نامزدگیوں پر پھڈا، اجلاس دوبارہ بلانے کامطالبہ
محکمے کی جانب سے جاری کردہ نوٹیفکیشن کے مطابق وائس چانسلر یونیورسٹی آف ہیلتھ سائنسز لاہور کو کمیٹی کا
کنوینر مقرر کیا گیا ہے۔
جبکہ ارکان میں وائس چانسلر کنگ ایڈورڈ میڈیکل یونیورسٹی، وائس چانسلر فاطمہ جناح میڈیکل یونیورسٹی لاہور
وائس چانسلر فیصل آباد میڈیکل یونیورسٹی، وائس چانسلر راولپنڈی میڈیکل یونیورسٹی، وائس چانسلر نشتر میڈیکل
یونیورسٹی ملتان، پرنسپل، علامہ اقبال میڈیکل کالج لاہور، پرنسپل قائد اعظم میڈیکل کالج بہاولپور شامل ہوں گے۔
نوٹیفکیشن میں واضح ہدایت کی گئی ہے کہ قائم کردہ کمیٹی غیر ملکی میڈیکل گریجویٹس کے تدریسی و عملی
عمل کو زیادہ شفاف اور میرٹ کے مطابق بنانے کے حوالے سے تمام تر پہلوؤں کا جائزہ لے کر اپنی رپورٹ اور حتمی
سفارشات روز کے اندر محکمے کو پیش کرنے کی پابند ہوگی۔
