فنی تعلیمی بورڈ، جوابی کاپیوں کی ڈیجیٹل کوڈنگ اور مارکنگ متعارف کروانے پر زور

لاہور (ایجوکیشن رپورٹر)

حکومتِ پنجاب کے اسکلز ڈویلپمنٹ اینڈ انٹرپرینیورشپ ڈیپارٹمنٹ کے ایڈیشنل سیکرٹری منور ملک نے پنجاب بورڈ آف ٹیکنیکل ایجوکیشن کے مرکزی دفتر کا دورہ کیا، جہاں انہوں نے بورڈ میں جاری ڈیجیٹلائزیشن اور ادارہ جاتی جدیدکاری کے مختلف اقدامات کا تفصیلی جائزہ لیا۔

۔اعلیٰ سطحی اجلاس اور جائزہ

دورے کے دوران ایڈیشنل سیکرٹری نے چیئرمین پی بی ٹی ای ڈاکٹر فیصل محمود، سیکرٹری پی بی ٹی ای محمد حفیظ، کنٹرولر امتحانات ملک عرفان قاسم، ڈپٹی سیکرٹری حفیظالرحمن اور دیگر سینئر افسران سے اہم ملاقات کی۔ اجلاس میں پی بی ٹی ای اور کے درمیان مجوزہ معاہدے کے مسودے پر بھی غور کیا گیا

شفافیت اور آٹومیشن پر بریفنگ چیئرمین پی بی ٹی ای ڈاکٹر فیصل محمود نے ایڈیشنل سیکرٹری کو بورڈ کے فرائض، تعلیمی و انتظامی امور میں ڈیجیٹلائزیشن اور آٹومیشن کے حوالے سے ہونے والی حالیہ پیش رفت سے آگاہ کیا۔ انہوں نے بتایا کہ ان تمام اقدامات کا بنیادی مقصد امتحانی و انتظامی نظام میں مکمل شفافیت، کارکردگی میں بہتری اور طلبہ کو خدمات کی مؤثر فراہمی کو یقینی بنانا ہے۔

کوڈنگ اور مارکنگ سینٹرز کا معائنہ

ایڈیشنل سیکرٹری نے پی بی ٹی ای کے قائم کردہ کوڈنگ سینٹر اور مارکنگ سینٹرز کا معائنہ بھی کیا۔ اس موقع پر انہوں نے امتحانی نظام کو مزید شفاف اور مضبوط بنانے کے لیے جوابی کاپیوں کی ڈیجیٹل کوڈنگ اور ڈیجیٹل مارکنگ کے جدید نظام کو متعارف کرانے کی اہمیت پر خصوصی زور دیا۔

محکمے کی جانب سے مکمل تعاون کی یقین دہانی

ایڈیشنل سیکرٹری منور ملک نے چیئرمین پی بی ٹی ای کی کاوشوں کو سراہتے ہوئے اسکلز ڈویلپمنٹ اینڈ انٹرپرینیورشپ ڈیپارٹمنٹ کی جانب سے پی بی ٹی ای کے ڈیجیٹل تبدیلی، ادارہ جاتی جدیدکاری اور بہتر طرزِ حکمرانی کے فروغ کے لیے اٹھائے جانے والے تمام اقدامات کی بھرپور حمایت کا اعادہ کیا