لاہور(ایجو کیشن رپورٹر)ملک بھر کے 170 اضلاع میں ایک ایک اسکول ایڈاپٹ کر کے ماڈل اسکول بنایا جائے گا، فیڈریشن ایجوکیشن فاؤنڈیشن کا فیصلہ
فیڈریشن ایجوکیشن فاؤنڈیشن کے چیئرمین ڈاکٹر گوہر اعجاز نے اعلان کیا ہے کہ فاؤنڈیشن کے قیام کے تحت ملک کے کل 170 اضلاع میں سے ہر ضلع سے ایک ایک اسکول ایڈاپٹ (Adopt) کیا جائے گا۔
ان اسکولوں کو ضروری سہولیات فراہم کر کے "ماڈل اسکول” کے طور پر ترقی دی جائے گی۔ اس اقدام کا مقصد تعلیمی معیار کو بلند کرنا اور طلبہ کو بہتر ماحول فراہم کرنا ہے۔ ڈاکٹر گوہر اعجاز نے سندھ چیمبرز اور ایف پی سی سی آئی کے عہدیداروں سے گفتگو کے دوران اس عزم کا اظہار کیا۔
