پی ایس آر اے کے تعلیم دشمن اور غیر قانونی اقدامات پر احتجاج ہوگا: پین
پشاور (ایجو کیشن رپورٹر)
پرائیویٹ ایجوکیشن نیٹ ورک (پین) نے پرائیویٹ سکولز ریگولیٹری اتھارٹی کے مبینہ تعلیم دشمن اور غیر قانونی اقدامات کو مسترد کرتے ہوئے صوبائی سطح پر اکتوبر میں گرینڈ جرگہ منعقد کرنے کا اعلان کیا ہے۔
پین کے صوبائی صدر محمد سلیم خان نے اپنے ایک بیان میں کہا کہ ‘پی ایس آر اے’ نجی تعلیمی اداروں کی فلاح و بہبود، رہنمائی اور ریگولیشن کے لیے قائم کی گئی تھی، تاہم اتھارٹی اپنی قانونی ذمہ داریوں سے ہٹ کر ایسے اقدامات کر رہی ہے جو نجی تعلیمی شعبے کے لیے انتہائی نقصان دہ ثابت ہو رہے ہیں۔
ان کا مزید کہنا تھا کہ اتھارٹی کے حالیہ فیصلوں کے باعث متعدد نجی سکول بندش کے دہانے پر پہنچ گئے ہیں، جس کے خلاف تمام نجی تعلیمی ادارے متحد ہو کر احتجاج کریں گے۔
