یپشاور (ایجو کیشن رپورٹر) پشاور یونیورسٹی کے غیر تدریسی ملازمین نے جمعہ کو تیسرے روز بھی ایڈمنسٹریشن بلاک میں اپنا احتجاج، دھرنا اور تالہ بندی جاری رکھی۔
تاہم، انتظامیہ کی جانب سے ستمبر کی تنخواہ بینکوں میں بھجوائے جانے کے بعد کلاس تھری اور کلاس فور اتحاد نے اپنی ہڑتال مشروط طور پر مؤخر کرنے کا اعلان کر دیا ہے۔ ملازمین اتحاد نے واضح کیا ہے کہ اگر 2 نومبر تک اکتوبر کی تنخواہیں جاری نہ کی گئیں، تو 2 نومبر کو دوبارہ احتجاج کیا جائے گا اور 3 نومبر سے مکمل ہڑتال اور تالہ بندی کا آغاز کر دیا جائے گا۔
