کوہاٹ، پوسٹ گریجویٹ کالج میں نئے کلاس رومز کا افتتاح، تعلیمی منصوبے پر 35.927 ملین روپے لاگت
کوہاٹ (بیورو رپورٹ) وزیراعلیٰ خیبرپختونخوا کے معاون خصوصی برائے اطلاعات و تعلقاتِ عامہ، شفیع جان نے گورنمنٹ پوسٹ گریجویٹ کالج کوہاٹ میں نئے ایڈیشنل کلاس رومز کا باقاعدہ افتتاح کر دیا ہے۔ یہ اہم منصوبہ بڑھتی ہوئی تعلیمی ضروریات کو پورا کرنے کے لیے 35.927 ملین روپے کی خطیر لاگت سے مکمل کیا گیا ہے۔ افتتاحی تقریب کے بعد، معاون خصوصی نے کالج کی سالانہ تقریب تقسیمِ انعامات میں بھی شرکت کی، جہاں انہوں نے نمایاں کارکردگی دکھانے والے طلبہ میں شیلڈز اور سرٹیفکیٹس تقسیم کیے۔
