امتحانی نظام کو مزید شفاف بنانے اور سرکاری سکولوں میں بنیادی سہولیات کی بہتری کے لیے اہم فیصلے
سیکرٹری محمد خالد خان کی زیرِ صدارت اجلاس: یکساں ایس او پیز کا نفاذ اور آگاہی مہم تیز کرنے کی ہدایت
پشاور (نمائندہ خصوصی) محکمہ ابتدائی و ثانوی تعلیم نے صوبے بھر میں تعلیمی اصلاحات کی رفتار تیز کرنے، امتحانی نظام کو مزید شفاف بنانے اور سرکاری سکولوں میں بنیادی سہولیات کی بہتری کے لیے اہم فیصلے کیے ہیں۔
سیکرٹری محمد خالد خان کی زیرِ صدارت روڈ میپ امپلی منٹیشن کمیٹی کے اجلاس میں پیش رفت کا تفصیلی جائزہ لیا گیا۔ اجلاس کے دوران امتحانات میں شفافیت اور یکسانیت یقینی بنانے کے لیے تمام امتحانی مراکز پر یکساں ایس او پیز نافذ کرنے اور طلبہ و والدین میں امتحانی نظم و ضبط سے متعلق آگاہی مہم تیز کرنے کا فیصلہ کیا گیا۔
علاوہ ازیں، اجلاس میں اساتذہ کی ریشنلائزیشن اور ای ٹی ای اے کے ذریعے بھرتیوں سمیت دیگر اہم امور پر پیش رفت کا بھی تفصیلی جائزہ لیا گیا۔
