گوجرانوالہ (نیوز رپورٹر) سکول ایجوکیشن ڈیپارٹمنٹ پنجاب کی منظوری کے تحت ضلع گوجرانوالہ کے سرکاری سکولوں میں سکول ٹیچر
انٹرنیز (ایس ٹی آئی )کی عارضی بنیادوں پر خدمات حاصل کی جا رہی ہیں۔ چیف ایگزیکٹو آفیسر ڈسٹرکٹ ایجوکیشن اتھارٹی گوجرانوالہ
ڈاکٹر عطیہ ارشد ملک کے مطابق ضلع بھر کے مختلف سکولوں میں مجموعی طور پر 100 نشستیں مختص کی گئی ہیں، جن میں پرائمری
سطح پر 31، ایلیمنٹری پر 29 اور ہائی/ہائر سیکنڈری سطح پر 40 نشستیں شامل ہیں
انٹرنیز کے لیے ماہانہ اعزازیہ بالترتیب 38 ہزار، 40 ہزار اور 45 ہزار روپے مقرر کیا گیا ہے۔ امیدوار ، پورٹل کے ذریعے 18 اکتوبر تک آن لائن
درخواستیں جمع کرا سکتے ہیں۔ ابتدائی میرٹ لسٹ 23 اکتوبر کو جاری کی جائے گی، تحصیلی کمیٹی کا عمل 27 اکتوبر کو مکمل ہوگا،
شارٹ لسٹڈ امیدواروں کے انٹرویوز 29 اور 30 اکتوبر کو ہوں گے، حتمی میرٹ لسٹ 31 اکتوبر کو جبکہ کامیاب امیدواروں کے ہائرنگ آرڈرز 2
نومبر کو جاری کیے جائیں گے
