کوئٹہ ((نمائندہ اردو تعلیم ڈاٹ کام)) گورنر بلوچستان جعفر خان مندوخیل نے کہا ہے کہ صوبے میں ہائر ایجوکیشن
سیکٹر تیزی سے پروان چڑھ رہا ہے، جس میں صوبے کی 11 پبلک سیکٹر یونیورسٹیز، 140 کالجز اور تقریباً 1,200
ہائی اسکولز اپنا بھرپور کردار ادا کر رہے ہیں۔
گورنمنٹ جنرل محمد موسیٰ پوسٹ گریجویٹ کالج کے پہلے کانووکیشن کی تقریب سے خطاب کرتے ہوئے انہوں نے 62
گریجویٹس کے فارغ التحصیل ہونے پر مبارکباد پیش کی اور اس کو علم کا ایک قیمتی اثاثہ قرار دیا۔
پشاوریونیورسٹی کے ممتاز ماہر تعلیم پروفیسر ڈاکٹر سجاد ریٹائر ہوگئے
واضح رہے کہ تقریب کے موقع پر رکنِ صوبائی اسمبلی زرک خان مندوخیل نے جنرل محمد موسیٰ پوسٹ گریجویٹ
کالج میں بجلی کی ضروریات پوری کرنے کے لیے سولر انرجی سسٹم کی فراہمی کا باقاعدہ اعلان کیا۔
تقریب میںصوبائی وزیرمیر عاصم کرد گیلو، رکنِ صوبائی اسمبلی زرک خان مندوخیل، صوبائی سیکرٹری
ہائرایجوکیشن ہاشم خان مندوخیل، وائس چانسلر لسبیلہ یونیورسٹی ڈاکٹر عبدالملک ترین، سابق ایڈیشنل چیف
سیکرٹری میجر نادر ہزارہ، ڈائریکٹر کالجزپروفیسر محمد حسین بلوچ، پرنسپل موسیٰ کالج پروفیسر منظور احمد بڑیچ،
اور ماہرینِ تعلیم کی بڑی تعداد نے شرکت کی
تقریب کے اختتام پر گورنر بلوچستان جعفر خان مندوخیل نے فارغ التحصیل گریجویٹس میں گولڈ میڈلز اور اسناد بھی
تقسیم کیں۔
