لاہور (سپیشل رپورٹر) ہائر ایجوکیشن کمیشن (HEC) نے "پاکستان ریسرچ ایوارڈ مقابلہ 2026-2027” کا باقاعدہ اعلان کرتے ہوئے پاکستانی محققین اور اسکالرز سے درخواستیں طلب کر لی ہیں۔
ان ایوارڈز کا بنیادی مقصد تحقیق میں عمدگی کو تسلیم کرنا، فکری ترقی میں شراکت اور اعلیٰ اثر والی اشاعتوں کو فروغ دینا ہے
درخواستیں 3 کیٹیگریز (بیسٹ ریسرچر، بیسٹ ینگ ریسرچر، اور بیسٹ پبلیکیشن) میں طلب کی گئی ہیں۔ درخواستیں 31 اکتوبر تک وصول کی جائیں گی۔
درخواست گزار کے لیے ایچ ای سی سے بلیک لسٹ نہ ہونا اور اس سے قبل ایچ ای سی ریسرچ ایوارڈ حاصل نہ کرنا لازمی ہے۔
"بیسٹ ینگ ریسرچر” کیٹیگری کے لیے عمر کی حد 40 سال مقرر کی گئی ہے۔
