بہاولپور (خصوصی رپورٹر)
اسلامیہ یونیورسٹی بہاولپور میں ایک افسوسناک واقعہ پیش آیا ہے جہاں کینٹین کا کھانا کھانے اور کولڈ ڈرنک پینے کے بعد ایک طالب علم کی حالت غیر ہو گئی اور وہ کیمپس کے راستے میں بے ہوش کر گر پڑا۔ بعد ازاں کنٹین سے کھانا کھا کر نکلنے والا بے ہوش نوجوان ہسپتال منتقلی کے دوران دم توڑ گیا یونیورسٹی انتظامیہ نے واقعے کا فوری نوٹس لیتے ہوئے متعلقہ کینٹین کو سیل کر کے اعلیٰ سطح کی تحقیقات کا آغاز کر دیا ہے۔
ریسکیو سروس کے حکام کے مطابق، متاثرہ طالب علم یونیورسٹی کی کینٹین سے کھانا کھانے اور کولڈ ڈرنک پینے کے بعد جیسے ہی اپنے کیمپس کی طرف روانہ ہوا، تو راستے میں اچانک اس کی طبعیت بگڑ گئی اور وہ وہیں بے ہوش ہو گیا۔ واقعے کی اطلاع ملتے ہی ریسکیو کی ٹیم فوری طور پر موقع پر پہنچی اور طالب علم کو ابتدائی طبی امداد فراہم کرنے کے لیے اقدامات کیے۔ لیکن طالب علم ہسپتال منتقلی کے دوران دم توڑ گیا
یونیورسٹی انتظامیہ کا ایکشن
طالب علم کی حالت غیر ہونے کے واقعے کے بعد اسلامیہ یونیورسٹی بہاولپور کی جانب سے ایک باقاعدہ اعلامیہ جاری کیا گیا ہے۔ اعلامیے کے مطابق، یونیورسٹی انتظامیہ نے فوری کارروائی کرتے ہوئے متعلقہ کینٹین کو مکمل طور پر سیل کر دیا ہے اور کینٹین میں فراہم کیے جانے والے کھانے پینے کے معیار اور اشیاء کی جانچ پڑتال کے لیے تحقیقات شروع کر دی گئی ہیں۔ انتظامیہ کا کہنا ہے کہ غفلت یا غیر معیاری خوراک کی تصدیق ہونے پر کینٹین مالکان کے خلاف سخت قانونی کارروائی عمل میں لائی جائے گی تاکہ طلبہ کی صحت پر کوئی سمجھوتہ نہ ہو۔
پشاور(ایجو کیشن رپورٹر) پی ایم ایس نتائج کے خلاف پشاور ہائیکورٹ میں درخواست دائر، انگریزی…
لاہور(کرائم رپورٹر) صوبائی دارالحکومت لاہور کے علاقے سندر میں نجی یونیورسٹی کی طالبہ کو سنگین…
ڈاکٹر وسیم قاضی جامعہ کراچی کے نئے وائس چانسلر مقرر، نوٹیفکیشن جاری کراچی(سپیشل رپورٹر)سندھ کی…
مردان (ایجو کیشن رپورٹر) حکومت خیبر پختونخوا کے محکمہ ابتدائی و ثانوی تعلیم کے جاری کردہ…
پشاور (سپیشل رپورٹر) خیبر پختونخوا کی سرکاری جامعات میں ہونے والی بھرتیوں کے حوالے سے…
پیرس (مانیٹرنگ ڈیسک)فرانس میں ابتر تعلیمی نظام، اساتذہ کی شدید کمی اور نئی داخلہ پالیسی…