لاہور (ایجوکیشن رپورٹر) پنجاب بھر کے تمام 9 تعلیمی بورڈز بالخصوص لاہور اور فیصل آباد بورڈز کل، بروز بدھ 2 ستمبر کو ننویں جماعت (میٹرک نہم) کے سالانہ امتحانات کے نتائج کا باضابطہ اعلان کریں گے۔ تمام بورڈز کی جانب سے نتائج صبح 10 بجے جاری کیے جائیں گے۔
تفصیلات کے مطابق لاہور بورڈ آف انٹرمیڈیٹ اینڈ سیکنڈری ایجوکیشن میں نتائج کے اعلان کے حوالے سے خصوصی تقریب منعقد کی جائے گی، جس میں چیئرمین لاہور بورڈ پروفیسر بدرالسلام خصوصی شرکت کریں گے۔ سیکرٹری لاہور بورڈ رضوان نذیر اور کنٹرولر امتحانات توصیف الرحمان باضابطہ طور پر نتائج کا اعلان کریں گے۔ لاہور بورڈ کے تحت رواں سال ننویں جماعت کے امتحانات میں 40 ہزار سے زائد امیدواروں نے شرکت کی تھی۔
دوسری جانب تعلیمی بورڈ فیصل آباد بھی کل 2 ستمبر کو ہی ننویں جماعت کے نتائج شائع کرے گا۔ چیئرمین بورڈ فیصل آباد پروفیسر ڈاکٹر رانا بنیامین صبح 10 بجے رزلٹ کا بٹن دبا کر نتائج بورڈ کی ویب سائٹ پر آن لائن اپ لوڈ کریں گے۔
پنجاب کے دیگر تمام بورڈز (راولپنڈی، ملتان، گجرانوالہ، ساہیوال، سرگودھا، بہاولپور اور ڈیرہ غازی خان) بھی اسی مقررہ وقت پر اپنے نتائج آن لائن جاری کر دیں گے۔ طالب علم اپنے نتائج متعلقہ بورڈ کی ویب سائٹس، یا موبائل SMS کے ذریعے بھی حاصل کر سکیں گے۔
پشاور(ایجو کیشن رپورٹر) پی ایم ایس نتائج کے خلاف پشاور ہائیکورٹ میں درخواست دائر، انگریزی…
لاہور(کرائم رپورٹر) صوبائی دارالحکومت لاہور کے علاقے سندر میں نجی یونیورسٹی کی طالبہ کو سنگین…
ڈاکٹر وسیم قاضی جامعہ کراچی کے نئے وائس چانسلر مقرر، نوٹیفکیشن جاری کراچی(سپیشل رپورٹر)سندھ کی…
مردان (ایجو کیشن رپورٹر) حکومت خیبر پختونخوا کے محکمہ ابتدائی و ثانوی تعلیم کے جاری کردہ…
پشاور (سپیشل رپورٹر) خیبر پختونخوا کی سرکاری جامعات میں ہونے والی بھرتیوں کے حوالے سے…
پیرس (مانیٹرنگ ڈیسک)فرانس میں ابتر تعلیمی نظام، اساتذہ کی شدید کمی اور نئی داخلہ پالیسی…