گورنمنٹ کالج یونیورسٹی فیصل آباد،  اسموگ کےاسباب اور احتیاطی تدابیر پر آگاہی سیمینار

فیصل آباد (ایجوکیشن رپورٹر) گورنمنٹ کالج یونیورسٹی فیصل آباد کے گرین یوتھ موومنٹ کلب اور شعبہ ماحولیاتی سائنسز کے زیرِ اہتمام

‘اسموگ کے اسباب، انسانی صحت پر اثرات اور احتیاطی تدابیر’ کے موضوع پر ایک آگاہی سیمینار منعقد کیا گیا۔سیمینار کے دوران ماہرین نے

اسموگ کے مختلف پہلوؤں، خاص طور پر انسانی صحت اور نظامِ تنفس پر اس کے مضر اثرات اور ان سے بچنے کے لیے ضروری عملی

اقدامات پر تفصیلی روشنی ڈالی۔

 

چینی یونیورسٹی کے وفد کا بحریہ یونیورسٹی کا دورہ، مشترکہ پی ایچ ڈی پروگرام پر بریفنگ

 

اپنے خطاب میں وائس چانسلر پروفیسر ڈاکٹر رؤف اعظم نے ماحولیاتی مسائل سے نمٹنے کے لیے تعلیمی اداروں کے کردار کو اہم قرار دیا اور

نوجوان نسل میں ماحولیاتی شعور کی بیداری کی ضرورت پر زور دیا۔ سیمینار میں گرین یوتھ موومنٹ کلب کے فوکل پرسن پروفیسر ڈاکٹر

صابر حسین، چیئرپرسن شعبہ ماحولیاتی سائنسز پروفیسر ڈاکٹر طاہرہ یاسمین، ڈائریکٹر طلبہ امور پروفیسر ڈاکٹر ندیم سہیل، ڈپٹی ڈائریکٹر

ماحولیاتی تحفظ ایجنسی ڈاکٹر طاہر عباس اور فیصل آباد میڈیکل یونیورسٹی کے ایسوسی ایٹ پروفیسر ڈاکٹر شعیب احمد نے بھی شرکت کی

اور اپنے خیالات کا اظہار کیا۔ سیمینار کے اختتام پر آگاہی واک کا اہتمام کیا گیا اور اسموگ گن کے ذریعے اسموگ کے تدارک کا عملی مظاہرہ

بھی کیا گیا۔