اسلام آباد (ایجوکیشن ریورٹر) چین کی فوڈان یونیورسٹی کے 6 رکنی اعلیٰ سطح کے وفد نےایسوسی ایٹ وائس پریذیڈنٹ چن یان کی قیادت میں بحریہ یونیورسٹی کا دورہ کیا۔ دورے کے دوران وفد نے خصوصی معلوماتی سیشن کا انعقاد کیا، جو فوڈان یونیورسٹی، شنگھائی جیاؤ ٹونگ یونیورسٹی اور ٹونگ جی یونیورسٹی کا ایک مشترکہ بین الاقوامی ڈاکٹریٹ داخلہ پروگرام ہے
سیشن کے دوران فیکلٹی ممبران، محققین اور پوسٹ گریجویٹ طلبہ کو ریاضی، فزکس، کیمسٹری اور لائف سائنسز جیسے اہم شعبوں میں پی ایچ ڈی کی تعلیم و تحقیق کے موقعوں پر تفصیلی معلومات فراہم کی گئیں۔ وفد نے بحریہ یونیورسٹی کی اعلیٰ قیادت سے بھی ملاقات کی جس میں باہمی دلچسپی کے تعلیمی شعبوں اور مستقبل میں تعاون کے امکانات پر تبادلہ خیال کیا گیا۔ اس نشست میں اسلام آباد، راولپنڈی سمیت بحریہ یونیورسٹی کے لاہور اور کراچی کیمپسز کے اساتذہ و طلبہ نے بھی ویڈیو کانفرنسنگ کے ذریعے شرکت کی، جبکہ دورے کا اختتام کیک کاٹنے اور تحائف کے تبادلے کے ساتھ ہوا
چینی یونیورسٹی کے وفد کا بحریہ یونیورسٹی کا دورہ، مشترکہ پی ایچ ڈی پروگرام پر بریفنگ
