کوئٹہ، نیب کے زیرِ اہتمام بین الجامعاتی مقابلے
کوئٹہ (نمائندہ اردوتعلیم ڈاٹ کام) قومی احتساب بیورو (نیب) بلوچستان نے آگاہی مہم کے تحت نیب کمپلیکس کوئٹہ
کینٹ میں انسدادِ بدعنوانی کے موضوع پر بین الجامعاتی تقریری مقابلوں (اردو و انگریزی)، مضمون نویسی (اردو و
انگریزی)، پوسٹر سازی اور خطاطی کے مقابلوں کا انعقاد کیا۔
تقریب میں مختلف جامعات کے طلبہ و طالبات نے بھرپور جوش و خروش سے شرکت کی، جن میں نیشنل یونیورسٹی
آف ماڈرن لینگویجز (نمل)، نیشنل یونیورسٹی آف سائنس اینڈ ٹیکنالوجی (نسٹ)، سردار بہادر خان ویمن یونیورسٹی،
الحمد اسلامک یونیورسٹی، یونیورسٹی لاء کالج، بلوچستان یونیورسٹی آف میڈیکل اینڈ ہیلتھ سائنسز، جامعہ بلوچستان
اور بلوچستان یونیورسٹی آف انفارمیشن ٹیکنالوجی، انجینئرنگ اینڈ مینجمنٹ سائنسز (بیوٹمز) شامل تھیں۔
تقریب کا بنیادی مقصد نوجوان نسل میں بدعنوانی کے منفی اثرات کے حوالے سے آگاہی پیدا کرنا، کردار سازی، دیانت
داری اور شفاف طرزِ عمل کو فروغ دینا اور معاشرے میں بدعنوانی کے خلاف شعور و آگاہی کو مزید مستحکم کرنا تھا۔
مقابلوں میں نمایاں پوزیشن حاصل کرنے والے طلبہ میں تقریری مقابلہ (انگریزی) آشر حسین (نسٹ)، تقریری مقابلہ
(اردو)یسرن طارق بلوچ (نسٹ)، مضمون نویسی (انگریزی) انعام اللہ (بلوچستان یونیورسٹی)، مضمون نویسی
(اردو) رضیہ نذیر ضمون (بلوچستان یونیورسٹی)پوسٹر سازی زلا احسان (یونیورسٹی لاء کالج) خطاطی سرفراز
(بلوچستان یونیورسٹی)۔ اختتامی کلمات میں ڈائریکٹر جنرل نیب بلوچستان نیاز حسن نے مقابلوں میں حصہ لینے والے
طلبہ و طالبات کے پرُاعتماد خیالات، تخلیقی صلاحیتوں اور جوش و جذبے کو سراہا۔ انہوں نے جیوری کے اراکین اور
متعلقہ جامعات کے فوکل پرسنز کا بھی شکریہ ادا کیا۔
کراچی (سپیشل رپورٹر)حکومت سندھ نے طلبہ اور فارغ التحصیل نوجوانوں کے لیے انٹرن شپ اور…
لاہور(ایجو کیشن رپورٹر) پنجاب ایجوکیشن فاؤنڈیشن (پیماء) کے زیر اہتمام چلنے والے ہزاروں لائسنسی سکول…
پشاور(ایجو کیشن رپورٹر) فیڈریشن آف آل پاکستان یونیورسٹیز اکیڈمک اسٹاف ایسوسی ایشن (فپواسا) خیبر پختونخوا…
اسلام آباد (ویب ڈیسک) پاکستان میں تعلیمی شعبے کی صورتحال پر سرکاری اعداد و…
لاہور(ایجو کیشن رپورٹر)نیشنل سائبر کرائم انویسٹی گیشن ایجنسی فیصل آباد نے ڈسٹرکٹ جھنگ میں کارروائی…
پیرس (نیٹ نیوز) فرانس میں تعلیمی بحران شدت اختیار کر گیا ہے اور مختلف شہروں…