اسلام آباد، روسی زبان کورس کی تقریب تقسیم اسنادمیں پاک،روس روابط مضبوط بنانے پر زور

اسلام آباد (ایجوکیشن رپورٹر) علامہ اقبال اوپن یونیورسٹی نے پاکستان اور روس کے درمیان تعلیمی و ثقافتی روابط

کے فروغ اور بین الاقوامی تعلیمی تعاون کو وسعت دینے کے سلسلے میں ابتدائی سطح کے ایک ماہ کے روسی زبان

کورس کی تکمیل پر اسناد تقسیم کرنے کی تقریب کا انعقاد کیا۔

تقریب میں روسی سفارت خانے کے ثقافتی و تعلیمی اتاشی گلیب شوبن نے بطور مہمانِ خصوصی شرکت کی اور

کورس کاملا کامیابی سے مکمل کرنے والے طلبہ میں اسناد تقسیم کیں۔ اس موقع پر گفتگو کرتے ہوئے گلیب شوبن نے

کہا کہ پاکستان اور روس کے درمیان تعلیمی تعاون اور ثقافتی تبادلوں کے وسیع امکانات موجود ہیں۔ انہوں نے کورس

بہاؤالدین زکریا یونیورسٹی میں موسمیاتی تبدیلیوں پربین الاقوامی کانفرنس  اختتام پذیر

مکمل کرنے والے شرکاء کو مبارکباد دیتے ہوئے امید ظاہر کی کہ زبان سیکھنے کے ایسے اقدامات دونوں ممالک کے درمیان

دوستانہ تعلقات کو مزید مضبوط بنانے میں معاون ثابت ہوں گے۔

وائس چانسلر پروفیسر ڈاکٹر ناصر محمود کی قیادت میں علامہ اقبال اوپن یونیورسٹی بین الاقوامی تعلقات کی

استواری کے لیے مختلف اقدامات کر رہی ہے۔ شعبہ کے سربراہ ڈاکٹر زاہد مجید نے بتایا کہ روسی زبان کے کورس کا یہ

گیارہواں بیچ تھا، جبکہ اگلے بیچ کی تربیت نومبر میں شروع ہوگی اور یہ سلسلہ آگے بھی جاری رہے گا۔ انہوں نے مزید

بتایا کہ یونیورسٹی میں ترکیہ کا یونس ایمرے انسٹی ٹیوٹ اور جاپان پاکستان ایڈوانسمنٹ سینٹر پہلے سے قائم ہیں،

جبکہ چینی اور جرمن زبانوں کے مراکز قائم کرنے کا منصوبہ بھی زیرِ غور ہے۔

تقریب سے روس کی اورال اسٹیٹ پیڈاگوژیکل یونیورسٹی کے پروفیسر ڈاکٹر انتون دولگوف اور ڈاکٹر رومن پوروزوف نے بھی خطاب کرتے ہوئے کہا کہ غیر ملکی زبانیں سیکھنے سے مختلف ممالک کے عوام کے درمیان براہِ راست رابطوں، ثقافتی آگاہی اور باہمی اعتماد کو فروغ ملتا ہے۔ آخر میں گلیب شوبن اور ڈاکٹر زاہد مجید نے کورس مکمل کرنے والے تمام شرکاء میں اسناد تقسیم کیں۔