اہم ترین

فاطمہ جناح ویمن یونیورسٹی اور چین کی جامعہ میں حیاتیاتی تحقیق معاہدے پر دستخط

راولپنڈی (ایجوکیشن رپورٹر) فاطمہ جناح ویمن یونیورسٹی اور چین کی...

بین الاقوامی اسلامی یونیورسٹی اسلام آباد پاکستان کی ٹاپ 10 جامعات میں شامل

 اسلام آباد (ایجوکیشن رپورٹر) بین الاقوامی اسلامی یونیورسٹی اسلام...

انٹر کالجیٹ فٹسال چیمپئن شپ ٹوبہ گریجویٹ کالج نے جیت لی

فیصل آباد (ایجوکیشن رپورٹر) تعلیمی بورڈ فیصل آباد کے...

فیصل آباد، خاتون ٹیچر کو ہراساں کرنے پر مانیٹرنگ اسسٹنٹ معطل، انکوائری کا حکم

فیصل آباد (ایجوکیشن رپورٹر) ڈپٹی ڈائریکٹر مانیٹرنگ پنجاب نے...

محکمہ سکول ایجوکیشن میں تبادلے متعدد اضلاع کے سی ای اوز تبدیل

محکمہ سکول ایجوکیشن پنجاب میں بڑے پیمانے پر اکھاڑ پچھاڑ: لاہور اور راولپنڈی سمیت متعدد اضلاع کے سی ای اوز تبدیل

لاہور (نمائندہ خصوصی) سیکرٹری محکمہ سکول ایجوکیشن پنجاب مدثر ریاض نے صوبے بھر میں انتظامی امور کی بہتری کے لیے بڑے پیمانے پر تبادلوں اور تعیناتیوں کا نوٹیفکیشن جاری کر دیا ہے۔ جاری کردہ احکامات کے مطابق سی ای او ایجوکیشن لاہور نذیر حسین کا تبادلہ کر کے انہیں ڈی ای او میانوالی تعینات کر دیا گیا ہے، جبکہ ان کی جگہ سی ای او ایجوکیشن راولپنڈی طارق محمود کو سی ای او ایجوکیشن لاہور کی اہم ذمہ داری سونپ دی گئی ہے۔

انتظامی تبدیلیوں کے اس سلسلے میں سی ای او ایجوکیشن وزیرآباد محمد یاسین خان کو تبدیل کر کے راولپنڈی تعینات کیا گیا ہے، جبکہ آصف مسعود کو سی ای او ایجوکیشن وزیرآباد لگایا گیا ہے۔ اسی طرح ارشاد نذر عباس کو سی ای او ایجوکیشن راجن پور کے عہدے پر تعینات کیا گیا ہے۔

نوٹیفکیشن کے مطابق سی ای او ایجوکیشن جھنگ عقیلہ انتخاب خان کی خدمات واپس لے لی گئی ہیں اور ان کی جگہ تنویر احمد کو نیا سی ای او ایجوکیشن جھنگ مقرر کیا گیا ہے۔ دوسری جانب ڈی ای او میانوالی ملک طارق عباس کو ان کے عہدے سے ہٹا دیا گیا ہے۔ محکمہ تعلیم کے ذرائع کا کہنا ہے کہ یہ تبادلے تعلیمی اور انتظامی اہداف کو بہتر طریقے سے حاصل کرنے کے لیے کیے گئے ہیں، جن کا اطلاق فوری طور پر ہوگا۔