اہم ترین

کوہاٹ میں 12 سالہ طالب علم پر سکول مالک کا تشدد،ملزم گرفتار

کوہاٹ (نامہ نگار)کوہاٹ کے علاقے خٹک کالونی میں واقع...

ڈائریکٹر جنرل (فنانس) ٹیوٹا عثمان علی طارق کے والد انتقال کر گئے

لاہور(ایجو کیشن رپورٹر)ڈائریکٹر جنرل (فنانس) ٹیوٹا عثمان علی طارق...

خیبر پختونخوا کی 34میں سے26 یونیورسٹیاں مالی خسارے کا شکار،وفاق سے 18ارب مانگ لیے گئے

اسلام آباد (ایجو کیشن رپورٹر)خیبر پختونخوا کی سرکاری جامعات...

پشاور یونیورسٹی ،ملازمین مالی مشکلات کا شکار، صرف گریڈ 17 تک تنخواہیں جاری

پشاور (ایجو کیشن رپورٹر) پشاور یونیورسٹی کے لیے وفاقی حکومت کی جانب سے جاری کردہ سہ ماہی گرانٹ کی پہلی قسط پشاور پہنچنے کے باوجود انتظامی اور تکنیکی رکاوٹوں کی وجہ سے ریلیز نہ ہو سکی، جس کے باعث یونیورسٹی کے ملازمین شدید مالی مشکلات کا شکار ہو گئے ہیں۔

ذرائع کے مطابق چار سے پانچ روز گزرنے کے باوجود نئے ٹریژرر کے دستخط کی تبدیلی اور دستاویزات کی جانچ پڑتال کے معاملات تا حال حل نہیں ہو سکے، جس کی وجہ سے چیک کی رقم کی منتقلی کا عمل التوا کا شکار ہے۔

گرانٹ کی بروقت فراہمی نہ ہونے کے باعث یونیورسٹی ملازمین کو تنخواہوں کی ادائیگی میں شدید پریشانی کا سامنا ہے۔ انتظامیہ کی جانب سے فی الحال مئی کی تنخواہیں صرف گریڈ 17 تک کے ملازمین کو جاری کی گئی ہیں، جبکہ اعلیٰ عہدیداروں اور باقی ملازمین کو تنخواہوں کی مکمل ادائیگی گرانٹ کی رقم جاری ہونے سے مشروط کی گئی ہے۔ ملازمین نے انتظامیہ سے مطالبہ کیا ہے کہ دستخط کی تبدیلی کے عمل کو فوری مکمل کر کے گرانٹ کا چیک کلیئر کروایا جائے۔