یوای ٹی مردان کے وفد کی انجینئرنگ کونسل چیئرمین سے ملاقات
انجینئرنگ تعلیم و تحقیق میں جدت، مصنوعی ذہانت، انٹرپرینیورشپ اور اہم امور پر تبادلہ خیال
مردان (ایجوکیشن رپورٹر)
جامعہ انجینئرنگ اینڈ ٹیکنالوجی (یوای ٹی) مردان کے وائس چانسلر پروفیسر ڈاکٹر گل محمد خان کی قیادت میں ایک اعلیٰ سطح کے وفد نے پاکستان انجینئرنگ کونسل کے چیئرمین انجینئر وسیم نذیر سے خصوصی ملاقات کی، جس میں انجینئرنگ تعلیم و تحقیق میں جدت، مصنوعی ذہانت (AI)، انٹرپرینیورشپ اور صنعت و اکیڈمیا کے درمیان تعاون کو فروغ دینے سے متعلق اہم امور پر تفصیل سے تبادلہ خیال کیا گیا۔
وفد میں ڈائریکٹر آفس آف ریسرچ انوویشن اینڈ کمرشلائزیشن (ORIC) پروفیسر ڈاکٹر محمد عثمان، چیئرمین شعبہ کمپیوٹر سائنس پروفیسر ڈاکٹر ابرار علی شاہ اور چیئرمین شعبہ کمپیوٹر سافٹ ویئر انجینئرنگ شامل تھے۔
اس موقع پر پاکستان انجینئرنگ کونسل کی جانب سے یوای ٹی مردان کو انجینئرنگ کے شعبے میں متعدد مستقبل بنیاد اقدامات اور منصوبوں کی ذمہ داریاں سونپی گئیں۔
