پنجاب ایگزامینیشن کمیشن ٹیسٹنگ اتھارٹی (پیکٹا) نے تعلیمی سال 2025–26 کے لیے سکول بیسڈ اسیسمنٹ سے متعلق نئی ہدایات جاری کر دی ہیں۔
ہدایات کے مطابق سکول بیسڈ اسیسمنٹ کے نتائج ایک ہفتے کے اندر اسٹیوڈنٹ انفارمیشن سسٹم (سیس) پر اپلوڈ کرنا لازم ہوگا۔
نوٹیفکیشن کے مطابق مقررہ وقت میں نتائج اپلوڈ نہ کرنے کی صورت میں متعلقہ چیف ایگزیکٹو آفیسر (سی ای او) ایجوکیشن کے خلاف کارروائی عمل میں لائی جائے گی۔ پیکٹا اور پروگرام مانیٹرنگ اینڈ امپلیمنٹیشن یونٹ (پی ایم آئی یو) مشترکہ طور پر اسیسمنٹ ڈیٹا اور نتائج شیئر کریں گے۔
مزید بتایا گیا ہے کہ سوالیہ پرچے تیار کرنے والے اساتذہ اور لرننگ آؤٹ کمز کی مکمل تفصیلات بھی فراہم کی جائیں گی۔ گریڈ 1 اور گریڈ 2 کے فرسٹ ٹرم اور مڈ ٹرم امتحانات میں زبانی امتحان لازمی قرار دیا گیا ہے، جبکہ زبانی امتحان کے نتائج بھی سیس پر اپلوڈ کرنا ہوں گے۔
پیکٹا کی جانب سے سکول بیسڈ اسیسمنٹ کا شیڈول جاری کیا جائے گا، تاہم اسیسمنٹ شیڈول کا نفاذ سکول ایجوکیشن ڈیپارٹمنٹ کی منظوری سے مشروط ہوگا۔ تمام سی ای اوز ایجوکیشن کو ہدایت کی گئی ہے کہ نئی اسیسمنٹ پالیسی پر عملدرآمد ہر صورت یقینی بنایا جائے
