لاہور (ایجو کیشن رپورٹر) پنجاب ایجوکیشن انیشی ایٹوز مینجمنٹ اتھارٹی (پیما) میں مینجمنٹ سکیل پر افسران اور ملازمین کی نئی بھرتیوں کی تیاریاں شروع کر دی گئی ہیں۔ جاری کردہ دستاویزات کے مطابق اتھارٹی میں مجموعی طور پر 53 نئی آسامیاں پر کرنے کی تجویز تیار کی گئی ہے، کیونکہ اس وقت ادارے کی 70 فیصد سے زائد منظور شدہ نشستیں خالی پڑی ہیں۔
محکمہ خزانہ کے تحفظات کے بعد ان بھرتیوں کو دو مختلف مراحل میں تقسیم کیا گیا ہے۔ پہلے مرحلے کے تحت 32 اہم اور ضروری آسامیوں پر تعنیاتی کی مشروط منظوری دی گئی ہے، جس پر 11 کروڑ 5 لاکھ 50 ہزار روپے کے اخراجات کا تخمینہ لگایا گیا ہے۔ جبکہ دوسرے مرحلے میں کام کے بوجھ اور ضرورت کو مدنظر رکھتے ہوئے
مزید 12 ڈپٹی ڈائریکٹرز اور 9 اسسٹنٹس کی بھرتی پر غور کیا جائے گا۔ تمام 53 نشستوں پر مکمل بھرتی کی صورت میں ادارے پر 14 کروڑ 38 لاکھ 50 ہزار روپے کا مالی بوجھ پڑے گا۔
مجوزہ تنخواہیں اور پیکیج: دستاویزات کے مطابق مختلف انتظامی و فنی عہدوں کے لیے پرکشش ماہانہ پیکیج تجویز کیے گئے ہیں
ڈائریکٹرز: 7 لاکھ 50 ہزار روپے فی کس ماہانہ
ڈیٹا اینالسٹ، ڈیٹا انجینئر اور چیف آڈٹ آفیسر: 3 لاکھ 50 ہزار روپے فی کس ماہانہ
14 اسسٹنٹ ڈائریکٹرز: 2 لاکھ 25 ہزار روپے فی کس ماہانہ
1 لاکھ 50 ہزار روپے فی کس ماہانہ
