لاہور(سپورٹس ڈیسک)خیبرپختونخوا انڈر 21گیمز میں پشاور ڈویژن نے تھرو بال اور ہینڈل کے ٹائٹلز جیت لئے۔ایونٹ کی اختتامی تقریب میں پشاور یونیورسٹی کے ڈائریکٹر سپورٹس و خیبرپختونخوا ہینڈبال ایسوسی ایشن کے صدر بحرے کرم اور خیبرپختونخوا تھرو بال ایسوسی ایشن کے جنرل سیکرٹری ارشدحسین مہمانان خصوصی تھے جنہوں نے کامیابی حاصل کرنے والے کھلاڑیوں میں انعامات تقسیم کئے پشاور یونیورسٹی کے انڈور ہال میں تھرو بال کا فائنل میچ پشاور ڈویڑن اور ڈیرہ اسماعیل خان ڈویڑن کی ٹیموں کے درمیان کھیلا گیا جس میں پشاور نے ڈیرہ اسماعیل خان کو2-0پوائنٹس سے شکست دے کر چیمپئن بننے کا اعزاز حاصل کیا۔ ہینڈل بال کے ایونٹ کے کھیلے گئے فائنل میچ میں پشاور ڈویژن نے مردان ڈویڑن کو 17کے مقابلے 28گول سے ہرا کر فائنل اپنے نام کر لیا۔
